WHERE IS HAPPINESS???/

WHERE IS HAPPINESS???/
        This is a million dollar question. How to find happiness? To find happiness people are toiling like anything everywhere. It is just like a shepherd who searches for a sheep keeping it with himself. We think he is a fool. Being a fool everyone thinks others as fools.
       W.W.W.   In order to find happiness in materialistic things people are so crazy after wealth, wine and women. But ultimate happiness can not be found by these people and become mad
Here are some issues which make us to lose our happiness.  some say loosing unhappiness is it self having happiness. Having a great protective shield to the things which disturb is enough for us to protect our happiness.


1.  Don't  brood over  the past mistakes  just Forgive yourself

Forgive yourself for thinking negatively. Forgive yourself for talking, without thinking twice. Forgive yourself for being rude to your superior, your friend, your parents, or your siblings. Don’t think negative thoughts about yourself for taking wrong steps or making wrong decisions. This kind of thinking puts your focus on the problem and not the solution. It’s better to say good things about yourself than to say negative things. Always saying positive things about yourself is a sign that you have forgiven yourself.
2.  Don't have grudges just Forgive others
If we want to make peace with others, we first need to be at peace with ourselves. Learn to forgive and forget and let go of things quickly. It is not good to resent and hold grudges. People who hold grudges and resent their past incidents often suffer from cardiac and psychological problems. The easiest way to forgive others is to assume that they didn’t offend us in the first place. If you weren’t offended, you wouldn’t have the course to be offended or to forgive others.
3. Don't Focus,chat or explain or talk about about your problems
Instead, focus on the good in every situation you face and every person you are in a relationship with – including yourself.  what you resist that persists
4. What you give to others you get them back
Get your mind off yourself and focus on blessing others instead. When you bless others, the blessings will come back to you; it’s a wonderful phenomenon many don’t understand. After all, life is not all about receiving; it’s more of giving.you get what you give. if you help others . you will be helped.
5. Immerse yourself in any constructive work
The busier you are, the less time you have to think, especially, about something or someone who left you with negative feelings. Being busy is the best way to keep negative thoughts from provoking you repeatedly.
6. Remember your blessings and achievements
Take some personal time to be with myself and recount the things you have achieved and the things you have. Counting one’s blessings and achievements makes one feel fulfilled and happy. We often hate ourselves when we feel we have not achieved anything. The best way to count your blessings is to write down whatever you have achieved. No matter what happens in our lives, we have life, air to breathe, food to eat, some friends, family and associates, a measure of wealth and a measure of health.
7. Develop a healthy habit
Spend your free time on reading, listening to music, watching movies or other activities. This enables you to put your mind off the problems you are facing and the thoughts you have about yourself.
8. You are quiet unique, be thankful and be proud to be what you are
Don’t focus on things about yourself that you have no control over. Don’t strive to be like someone else. Don’t care about what other people think or say about you, when you’re not even sure whether they are right or wrong. When you do this, you relieve yourself of a lot of stress and anxiety. Be content with yourself, while you hope for a better you.
9. Be optimistic......you are a future hero
There’s always a light at the end of the tunnel. Hope is something you can never afford to lose. With hope you always have a path towards happiness. Hope reminds you that everything will be ok. With hope, you know that whatever looks terrible is only temporary and that soon enough
                 Think of the above.  Happiness is inner thing. When you discover yourself with all joy ecstasy within yourself.  start spreading it .     Be happy....Be happy because you are born to be happy.

భజగోవిందం- నిండైన వ్యక్తిత్వానికి, పరిపూర్ణ జీవితానికి పునాది ( 2 )

                            భజగోవిందం                                 వ్యక్తిత్వ వికాసానికి, పరిపూర్ణ జీవితానికి పునాది (2)

           ఇద్దరు వ్యక్తులు కలిస్తే అడిగే మొదటి ప్రశ్న మీరు ఏమి చేస్తుంటారని  చెప్పే సమాధానం బట్టి వచ్చే జీతం సంపాదన లెక్కకట్టి దాని బట్టి వారు ఇచ్చే గౌరవం ఆధారపడియుంటుంది.  అబ్బాయికి పెళ్ళి కుదిరిందంటే  అడిగే ప్రశ్న పెళ్ళికూతురు ఏం చదివింది ఏం చేస్తుందని కాదు.  కట్నం ఎంత అని..  అమెరికా లోని పౌరహక్కుల ఉద్యమ నాయకుడు మార్టిన్ లూదర్ కింగ్        '' మనం ఎటువంటి సమాజంలో నివసిస్తున్నామంటే  ఒక వ్యక్తి సామర్థ్యం లేదా విజయం ఆ వ్యక్తి సంపాదించే జీతం మొత్తం బట్టి నడిపే వాహనం యొక్క  పరిమాణం బట్టి కాక ఆ వ్యక్తి సమాజానికి, తోటి మానవులకు ఏ రకమైన సేవ చేస్తున్నాడనేదానిబట్టి కాదు''  ఈ మాట 1968 లో అన్నా ఇప్పటికీ ఇది అక్షర సత్యంగా ఉంది.  ఎప్పుడైతే వ్యక్తులమధ్య డబ్బు ప్రాధాన్యత పెరిగిందో దానికి అంతం ఉండదు. సంపాదన తో తృప్తి ఉండదు. తీవ్ర మైన పోటీ ,నిరాశా. అసంతృప్తి  ఒకటేమిటి అన్ని అనార్ధాలకు దారి ఏర్పడినట్టే....

       అందుకే భజగోవిందం రెండవ శ్లోకంలో శంకరాచార్యులు గారు ఇలా చెబుతున్నారు...

      మూఢ జహీహి ధనాగమతృష్ణాం

      కురు సద్బుద్ధిం మనసి వితృష్ణాం

      యల్లభ సేనిజకర్మోపాత్తం

      విత్తం తేన వినోదయ చిత్తం ..

 (   అర్థం;  ఓ మూర్ఖుడా! ధనమును ఆర్జింపవలెనను పేరాశను విడువుము. తృష్ణారాహిత్యమను సద్బుద్ధిని అలవరుచుకొనుము. నీవు చేసిన కృషి వలన నీకు న్యాయముగా ఏది లభించునో దానితో నీ మనస్సును తృప్తి పరుచుకొనుము.) 

               ప్రపంచమంతా  www ల వెంట పిచ్చిగా పరుగెడుతుంది.. అయితే ఈ మూడు ఎంత పొందిన తనివి తీరదు.. యే దిల్ మాంగే మోర్  అంటూ   పరుగులు పెడుతునే ఉంటుంది...  అవి ఏమిటంటే  w -  wealth,  w - wine   and   w - women.  అలగ్జాండర్ ది గ్రేట్  మృత్యువు తో పోరాడుతూ  తన చివరి మూడు కోరికలు తెలియచేస్తాడు.    దానిలో చివరి కోరిక తన శవపేటికకు రెండు రంధ్రాలు ఉంచి తన చేతులు బయటకు ఉంచి తనను పూడ్చమంటాడు.  ప్రపంచ విజేతయైన అలగ్జాండర్ ఖాళీ చేతులతో వచ్చాడు  తిరిగి ఖాళీ చేతులతో పోయాడని అందరికీ తెలియాలని ఆయన అభిమతం.  పుట్టినప్పుడు బట్ట కట్టలేదు పోయేటపుడు అది వెంట రాదు అంటూ ఒక సినీ కవి చెప్పినదీ అదే.

                 శంకరాచార్యులు వారు  ఈ శ్లోకంలో  ధనాన్ని సంపాదించాలనే దురాశను విడిచిపెట్టు.  కోరికలను వదలాలి అనే బుధ్ధిని పెంచుకో. ప్రతీ వ్యక్తి తాను చేసే కర్మలను, అర్హతలను బట్టి సంపాదించే ధనంను ఆనందం గా తృప్తి చెందాలని స్పష్టంగా  చెప్పారు.   గనులు తవ్వి. బంగారు పాత్రల్లో తిని, బంగారు పాయిఖానాల్లో విసర్జించే వ్యక్తి  చివరికి చిప్పకూడు తినాల్సిరావడానికి దురాశ మాత్రమే కారణం కాదా.అనేకమంది  అర్హతను మించి దురాశను పెంచుకోవడం వలన వారికి మనశ్శాంతి లేకపోవడం, మిగిలినవారికి మనశ్శాంతిలేకపోవడం మనం రోజూ చూస్తున్నాం.  సంపద అస్థిరమైనది. విశ్వసార్వభౌముడైన హరిశ్చంద్రుడు అడవులపాలై   నక్షత్రకునితో  సంపదలగురించి చక్కటి పద్యం చెబుతాడు

    తిరమై సంపదలెల్ల వెంటనొక రీతిన్ సాగి రా వేరి కే

   సరికేపాటు  విధించెనో విధి యవశ్య ప్రాప్యమద్దాని నె

  వ్వరు  దప్పించెద్? రున్నవాడననిగర్వం బేరికిన్ గాదు! కిం

  కరుడే రాజగు  రాజే కింకరుడగున్ గాలానుకూలంబుగన్

    

         ( సంపదలనేవి ఎప్పూడు స్థిరంగా ఒకనివెంట రావు. ప్రతి వ్యక్తి తన ప్రాప్తిని బట్టి పొందగలడు. జరిగేదాన్ని ఎవరూ తప్పించలేరు.  ధనమున్నదనే గర్వం ఎప్పుడూ పనికి రాదు. కాలానుగుణంగా ఈనాటి రాజే కింకరుడు కావచ్చు, కింకరుడు లాంటి వాడు రాజు కాగలడు. ) 

               ఇట్టి అస్తిరమైన సంపదార్జనకై  దురాశను పెంచుకోవద్దు మూర్ఖుడా అని ఈ శ్లోకం మన జీవితంలో  దురాశను  పెంపొందించుకొనక, ఒకరితో సరిపోల్చుకోకుండా వచ్చిన దానితో సంతృప్తి పెంచుకోవాలి  సంతృప్తిని మించిన సంపద  లేదు, దురాశను మించిన దారిద్రం లేదు.

భజగోవిందం - నిండైన వ్యక్తిత్వానికి, పరిపూర్ణ జీవితానికి పునాది

                                   భజగోవిందం - వ్యక్తిత్వ వికాసం
                  

                   శంకరాచార్యులు మరియు అతని శిష్యగణం చే చెప్పబడిన భజగోవింద శ్లోకాలు నేటి కాలానికి, ప్రతి వ్యక్తి జీవితంలో ఎదుర్కునే ప్రతి మానసిక సమస్యకు చక్కని నివారణ మార్గాన్ని చూపే నిత్య సత్యాలు.  కాశీ పుర వీధుల్లో శిష్యులతో వెలుతున్న శంకరాచార్యులు వ్యాకరణ సూత్రాలను వల్లె వేస్తున్న ఒక ముసలి బ్రాహ్మణున్ని చూసి  వయసు ముదిరిన ప్రాపంచిక విద్య పట్ల  దాని ద్వారా సంపాదించాలనుకున్న ధనం పట్ల  దాని ద్వారా తీర్చుకోవాలనుకున్న కోరికల పట్ల అతనికి తాపత్రయం గ్రహించి  ఆసువుగా శంకరాచార్యులు మరియు శిష్యులచే చెప్పబడిన శ్లోకాలు  సర్వకాల సర్వావస్థలకు ఉపయోగమే.  నేటికాలంలో  కోరికల,  ఆశల, వలయాల్లో చిక్కుకొని జీవిత పరమ ధర్మమేమిటో నిజమైన  సచ్చిదానందం ఎక్కడ దొరుకుతుందో తెలియక అనేక వ్యథలలో చిక్కుకున్న వారికి మోహముద్గారం కలిగించి జీవితంపట్ల స్పష్టమైన అవగాహన కలిగించే  ఈ భజగోవింద శ్లోకాలలో నిమిడియున్న  తత్వాలను వ్యక్తిత్వ వికాస కోణం నుండి తెలుసుకుందాం.

భజగోవిందం భజగోవిందం

గోవిందం భజమూఢమతే

సంప్రాప్తే సన్నిహితే కాలే

నహి నహి రక్షతి డుకృఞ్కరణే .. 

        ప్రతీ మనిషి జీవితంలో నాలుగు ధృక్కోణాలుంటాయి.  ఒకటి   శరీరం -  మనస్సు  -  హృదయం  -  ఆత్మ.   శారీరక  భౌతిక మొదలైన అంశాలు  శరీరం నకు సంబంధించి,  తెలివితేటలు, మేథా శక్తి  మనసుకు  సంబంధించి,  భావోద్వేగాలు  హ్రుదయానికి సంబంధించి  ఆథ్యాత్మిక అంశాలుకు సంబంధించి  ఆత్మకు సంబంధించినవి.  కాని మనం  శారీరక మరియు  మేథా శక్తికి సంబందించిన విషయాలకు అధిక ప్రాధాన్యతను ఇచ్చి  మిగిలిని రెండింటిని నిర్లక్ష్యం చేస్తాం.  అన్నింటికన్నా ఆథ్యాత్మిక విషయాలను పూర్తిగా నిర్లక్ష్యం చేస్తాం. 

      start early, drive slowly and reach safely అన్నది ఆథ్యత్మికత కు సంబంధించినదే.  అథ్యాత్మిక అనేది  రిటైర్ అయ్యాక, వయసు తీరినతర్వాత మొదలు పెట్టాల్సిన విషయం అని భక్తికి సంబందించి లేదా ఆత్మజ్ణానానికి సంబంధించిన విషయాలను వాయిదా వేస్తాం.  ప్రాపంచిక విద్యకు అధిక ప్రాధాన్యత ఇస్తాం.

                     శంకరాచార్యులవారు వయసు గతించినప్పటికీ,  ప్రాపంచిక విద్యనువదిలి,  పరావిద్యను గ్రహించి ఆత్మజ్ణానానికై ఆలోచించని ముసలిబ్రాహ్మణునితో   ఓ మూర్ఖుడా...వయసు మీరిపోయి  చావు సమీపించే వయస్సులో కూడా  ఆత్మజ్ణానం కోసం కాకుండా కాసులు సంపాదించే ప్రాపంచిక జ్ణానం కోసం ఎందుకు ప్రయాసపడతావు. ఇవి ఏవీ కూడా  చావు సమీపించినపుడు నీకు రక్షణ కలిగించలేవు. అని బోధిస్తున్నరు ఈ శ్లోకం ద్వారా.  మనం కూడా అథ్యాత్మిక తత్వాన్ని ముందుగా తెలుసుకొని దేనికి ఇవ్వవల్సిని ప్రాధాన్యత దానికి ఇస్తే తప్పనిసరిగా  బాధలు తొలగించుకోవచ్చును.  అత్యంత సంపన్నులైన బిల్ గేట్స్, వారెన్ బఫెట్స్  తమ సంపాదన్  త్రుణ ప్రాయంగా విసర్జించి సేవా కార్యక్రమాల్లో నిమగ్నమవడమే కాకుండా మానవ సేవయే మాధవ సేవ అని  భగవంతుని సేవ చేయాలనే  ఆథ్యాత్మిక సేవా కార్యక్రమాలను చేపట్టడం గమనించినట్లైతే  డబ్బు సంపాదనే జీవితం అని తలపోసేవారికి కనువిప్పు కలుగక మానదు.  కాబట్టి  శారీరక, మానసిక, భావోద్వేగ  అంశాలతో పాటు  అథ్యాత్మికాంశాలకు ప్రాధాన్యత ఇచ్చి వివేక,వైరాగ్యాలను పెంచుకోవడం చాలా మంచిది.  అలాంటి పరిస్థితిలలో  చివరకు మరణం ఆసన్నమైనపుడు భవబంధాలను విసరించి చావును ఆనందంగా స్వీకరించే అత్యున్నత మానసిక స్థితికి చేరుకోగలం సచ్చిదానందాన్ని పొందగలం.

స్టీవ్ జాబ్స్ -- జీవిత సత్యాలు

స్టేవ్ జాబ్స్. సాంకేతిక ప్రపంచంలో చెరిపివేయబడని పేరు. అతను స్థాపించిన ఫెయిర్ టేల్ కంపెనీ ఇప్పుడు ఆపిల్ కంప్యూటర్స్ గా పిలవబడుతుంది సాఫ్ట్ వేర్ మరియు హార్డ్ వేర్ రంగానికి చేసిన సేవ శ్లాఘనీయం.
ఈ రోజు అంటే 5-10-2011 ప్రపంచం శోక సముద్రం లో మునిగిన రోజు ఎన్నో రోజులుగా చావుతో అలుపెరగని పోరాటం చేసిన యోధుడు వీరస్వర్గం పొందిన రోజు. ఈ సందర్భంగా తన్ జీవితం లో నమ్మిన, చుట్టుఉన్నవారితో తరుచూ చెప్పిన జీవిత సత్యాలను లేదా తాను పాటించిన నియమాలను తెలుసుకోవడం సందర్భోచితం. ఈ నియమాలను తాను పాటించడం వలనే విజయం సాధించగలగానని జాబ్స్ తరుచూ చెపుతూ ఉండేవాడు.
1. “Innovation distinguishes between a leader and a follower.”
నూతన ఆవిష్కరణలు మనల్ని అనుచరుని స్థాయినుండి నాయకునిగా మారుస్తుంది. మనకంటూ గిరిగీసుకొని చిన్న పరిథిలోనే ఆలోచనలు చేస్తే ఎప్పుడు ఎదగలేము. మార్పును ముందుగా ఊహించి నూతనత్వాన్ని ఆహ్వనించకపోతే కనుమరుగయ్యే అవకాశం ఉంది. వాయిదా వేసే తత్వం, వేచి చూద్దాంలే అనే ధోరణి ఈ పోటీ ప్రపంచంలో పనికి రాదు. ఆఅవిష్కరణలే మనల్ని నాయకునిగా తీర్చిదిద్దుతాయి.

2. “Be a yardstick of quality. chase quality, quantity chases you
నాణ్యత విషయంలో రాజీ పనికిరాదు. ఎప్పుడైతే నాణ్యతకోసమై మన సామర్ధ్యాలను, వనరులను అవకాశాలను వినియోగిస్తామో మనం పొందే ఫలితాలు అదే స్థాయిలో ఉంటాయి. give your best to get your best.

3. చేసే పనిని ప్రేమిస్తూ చేయడమే విజయ రహస్యం.
చేసే పని పట్ల ఆసక్తి లేకుండా మొక్కుబడి చేయడం స్వీయ వినాశనానికి మరియు సంస్థ వినాశనానికి దారి తీస్తుంది. లక్ష్యాలు ఉన్నతంగా ఉంచుకోవడం వాటిని సాధించుకోడానికి మనసా, వాచా కర్మేణా పనిలో నిమగ్నమవడమే. ఒక ప్రయోజనం కొరకు పనిచేస్తున్నమని భావించడమే విజయ రహస్యం.

4. మనం చేసే పని ఇతరులలో మార్పు తీసుకురాబోతుందని నమ్ముతూ పనిచేయడమే అసలైన విజయ రహస్యం. మనం వాడే వస్తువులు, తినే తిండి ఇతరులు ఉత్పత్తి చేసిందే. అదే విధంగా మనం చేసేది మరొకరికి ఉపయోగపడుతుంది. నీవు నమ్మిన సిద్దాంతాలను బోధించాల్సిన పని లేదు. నీవు నమ్మి చేస్తూ, అనుసరిస్తూ ఉంటే అవి ఇతరులలో మార్పును తీసుకువస్తాయి. మన పనులే గుర్తింపు తీసుకువస్తాయి.
5. ఎల్లప్పుడు నేర్చుకోవడం ప్రారంభించే వాడిగా ఉండు. మనం ఏదైనా కొత్త విషయాన్ని నేర్చుకునేటపుడు ఎంతో ఆసక్తి కలిగి యుండి ఉత్సాహంగా ఉండాటమే కాకుండా అంతా తెలుసులే అనే అహం, లేదా మిడి మిడి జ్ణానం కలిగియుండటం చేయం. చిన్న పిల్లలు కొత్త విషయాల పట్ల ఎంతో చురుకుతనం హుషారు కలిగియుంటారు. ఈ తత్వాన్ని జీవితాంతం కలిగియుండాలి. ఇంకా నేర్చుకోవలసినది చాలా ఉంది అనే ధోరణి తో ఉండాలి.

6. మన మెదడును చచ్చుబరిచే పనికిమాలిన టెలీవిజన్ కార్యక్రమాలతో , సీరియల్స్ తో సమయం గడవకు. నిరంతరం మెదడును చురుగ్గా ఉంచే విషయాలలో లీనం కావాలి.

7 డబ్బు కన్నా శీల నిర్మాణమే ముఖ్యం. డబ్బు కోల్పోయినా ముఖ్యం కాదు. కాని విలువలు లేని జీవితం చాలా హీనం. విజయం సాధించిన వ్యక్తులు తప్పులు చేయలేదని కాదు కాని వారు వాటినుండి నేర్చుకోవడమే కాదు వాటిని మరలా మరలా జరగకుండా జాగ్రత్తపడేవారు. శీల నిర్మాణమే జీవితం.

8.సోక్రటీస్ వేదాంతం ఈ మానవాళికి ఆదర్శం. మేదావుల జీవిత గాధలు వారి తత్వవిషయాలను నిరంతరం అధ్యయనం చేస్తుండాలి. నీ కంటూ ఒక ఆలోచాఅ విధానం తత్వ విచారం ఉండాలి.

9. ప్రతీ వ్యక్తి తన జీవితంలోఒక ప్రత్యేక ప్రయోజనాన్ని సాధించాడానికి ఈ ప్రపంచం లోకి వచ్చారు. భగవంతుని చేత ఇవ్వబడిన ఆ మహాత్కర కార్యం ఏమిటన్నది నీకు ఏ ఉపాధ్యాయుడు గాని స్నేహితుడు గాని చెప్పడు. నీకు నీవుగా తెలుసుకోవాలి. నీ జీవితప్రయోజనాన్ని సాధించడమే నీ లక్ష్యం కావాలి.
10. కాలం చాలా ముఖ్యమైనది. కోల్పోతే తిరిగిరాననిది కాలం మాత్రమే. నీ ఆలోచనలు ఇతరులకి తెలియచెయడానికి వారి ఆమోదం పొండడానికి సమయం వ్రుధా చేయవద్దు. నీ అంతరాత ప్రబోధం ప్రకారం ఏది సరియైనది ఏది కాదో నిర్ణయించుకుంటూ ముందుకు సాగిపోవడమే. ధైర్యంగా నీ అంతరాత్మను అనుసరించడమే మిగిలినవి దానికవే అనుసరిస్తాయి

Don't Worry... Be Happy

Why do we suffer?

మన సమస్యలకి మూల కారణం ఏమిటని మనం సక్రమంగా ఆలోచిస్తే జీవితంలో మనం ఎదుర్కొనే అనేక సమస్యలు మనకు మనం తెచ్చిపెట్టుకునేవే ఎక్కువ

. అరిషడ్వర్గాలు అని పిలవబడే

కామం ( LUST )
క్రోథం ( ANGER )
లోభం (GREED)
మోహం (DELUSION )
మదం ( DOGMATIC ATTITUDE)
మత్సరం (JEALOUSY)
వీనిలో కామం, క్రోధం సహజ లక్షణాలు వీటిని నియంత్రించుకోవాలి. మిగిలిన వాటిని నిర్మూలించుకోవాలి. దురాశ రాను రాను అధికమవడానికి చాలామంది భార్యయొక్క కోరికలు తీర్చాలి. ఆవిడను సంతోషంగా ఉంచడానికి మిగిలిన బంధువుల ముందు తగ్గకుండా తలదించకుండా ఉండాలంటే నగలు, ఆస్తి సంపాదించాలి. పిల్లలకి మంచి భవిష్యత్తు అందించడానికి వారికి భారీగా వారసత్వ ఆస్తి సంపాదించి ఇవ్వాలని రేయనక, పగలనకా, సక్రమంగా అంత సంపాదించడం అవదు కాబట్టి కొంగెం అక్రమంగా వక్రమంగా సంపాదిచాలని చెబుతుంటారు. ఈ పరుగుపందెంలో లోభం పెంచుకోవడం. అనవసర వ్యామోహాలు పెంపొందించుకోవడం, సంపాదించే ఇఅతరులను చూసి మత్సరం చూపడం బాగా సంపాదించుకున్నా తర్వాత మదం ఏర్పరుచుకోవడం జరుగుతుంది. ఒకసారి ఈ అరిషడ్వర్గాల చక్రబంధంలో ఇరుక్కుంటే మ్రుత్యుపాశాన్ని ప్రేమించడమే... ఉన్న అరోగ్యం పాడవుతుంది, ఆనందం హరించవేయబడుతుంది. చివరకు జీవితం దుర్భరప్రాయమవుతుంది.
శంకరాఅచాఅర్యులవారు భజగోవిందం శ్లోకాలలో ప్రతి వ్యక్తి అవసరమైన ప్రాధాన్యత కన్నా అధికమైన attachments కలిగి ఉందకూడదని వివరంగా చెప్పారు. అంటే అందరినీ విడిచి సన్యాసించడం కాదు. అవసరమైన దానికన్నా అధిక ప్రాధాన్యత ఇవ్వడం ద్వారా ఎవరికోసమ్ శ్రమిస్తున్నాం. కూడబెడుతున్నామనే ఆత్మవంచన నీ బాధలకు దారితీస్తుంది అని ఈ శ్లోకం చెప్పారు.
కా తే కాంతా కస్తే పుత్రః
సంసారో యమతీవ విచిత్రః
కస్య త్వం కః కుత ఆయాతః
తత్త్వం చింతయ తదిహ భ్రాతః

(ఓ సోదరా! నీ భార్య ఎవరు? ఎవడు నీ పుత్రుడు? వారికిని, నీకును గల సంబంధమేమి? నీవు ఎవరవు? ఎక్కడనుండి వచ్చితివి? ఈ సంసారమే అతి విచిత్రమైనది. ఈ తత్వమును బాగా ఆలోచించి తెలుసుకొనుము.)
ఇదే విషయాన్ని కీ..శే.. బలిజేపల్లి లక్ష్మీకాంతంగారు రాసిన సత్యహరిశ్చంద్ర నాటకంలో శ్మశానంలో కాలుతున్న శవాలను చూసి హరిశ్చంద్రుడి ఇలా ఆలోచిస్తాడు.

మాయామేయజగంబె నిత్యమని సంభావించి మోహంబునన్
నాయిల్లా లని నా కుమారుడని ప్రాణంబుండునందాక నెం
తో యల్లాడిన యీ శరీరమిపుందుంగట్టెలం గాలుచో
నా యిల్లలును రాదు పుత్రుడునుదోడైరాడు తప్పింపగన్

పిల్లలకోసం, భార్యకోసం కష్టపడుతున్నమనే దురాశతో భౌతిక విషయాల పట్ల వ్యామోహం పెంచుకోవడం వలన మన మనశ్శాంతి దూర్ం చేసుకొని రోగాలపడటం జరుగుతుంది. ఎంతవరకు ధర్మమో, తన భాధ్యతలను సక్రమంగా నిర్వర్తించడమే తప్ప అరిషడ్వర్గాల చక్రబంధనంలో ఇరుక్కోరాదు. మనం ఏమి చేసినా బ్రతికున్నంతవరకే.......... భజగోవిందం లో శంకరాచార్యులు మరికొంచెం ముందుకెళ్ళి మన కళ్ళు తెరుచుకునేలా మరో శ్లోకం చెప్పారు..
యావత్పవనో నివసతి దేహే
తావత్పృచ్ఛతి కుశలం గేహే
గతవతి వాయౌ దేహాపాయే
భార్యా బిభ్యతి తస్మిన్కాయే ..

శరీరములో ఊపిరి ఉన్నంతవరకు ఇంటిలోనివారు కుశలమును విచారింతురు. ఆ ఊపిరి ఆగిపోయి, మరణము సంభవించినపుడు నీ మృతదేహము చూసి సమీపించుటకు నీ భార్య కూడా భయపడును.
కాబట్టి జీవితం పట్ల కొంత వైరాగ్యం పెంపొందించుకొని Detached Attachment తో జీవించగలిగితే
లేనిపోని చింతలతో మన ఆనందం దూరం చేసుకోవల్సిన అవసరం ఉండదు.
wish you Happy Living

trainerudaykumar@gmail.com

9948992208

విమర్శలను ఎదుర్కోవడం ఎలా?

విమర్శలను ఎదుర్కోవడం ఎలా?

విమర్శలను ఎదుర్కోవడం  ఎలా?
       ప్రపంచం లో అనేకమంది సతమతమౌతున్న సమస్యల్లో  విమర్శించబడటం అనేది చాలా ముఖ్యమైనది.  విమర్శకుల బారిన పడకుండా ఉన్న మానవుడు ఎవరూ లేరంటే  అతిశయోక్తి కాదు.  అందుకే  ఐనిస్టీన్ అంటారు విమర్శింపడనివాడెవడైనా ఉన్నాడంటే  వాడు ఏమీ చేయకుండా ఉన్నవాడైయుంటాడు అని.  నలుగురూ నడిచే దారిలో కాకుండా  తనకంటూ ఒక ప్రత్యేకత ఉందని నమ్మి  తనకు నచ్చిన దారిలో నడవాలని ప్రయత్నించే ప్రతి ఒక్కరికీ ఈ విమర్శలు తప్పవు.
   విమర్శలకు జడిసి  మనసు చంపుకొని  తాము చేయాలనుకున్నవి చేయలేక జీవచ్చవాలై జీవించే వారు నూటికి తొంభైకి పైగా ఉంటారని పరిశీలకులు చెబుతున్నారు
కాని ఒక్కసారి  ఇతరులను విమర్శించేవారి మానసిక వైఖరి ఎలా ఉంటుందో తెలుసుకుంటే  వారు తమలో తామే  ఎంతటి అసంత్రుప్తితో జీవిస్తున్నారో తెలుసుకుంటే వారి పట్ల కోపం కన్నా జాలి పుట్టి వారికి మంచి మనసు ప్రసాదించమని  వారి తరుఫున దేవుణ్ణి మనం ప్రార్థిస్తాం.   నమ్మరు కదా ..... సరే  మీ కోసమే   ...........   ఈ   ఆర్టికల్......
విమర్శించే వారి  మానసిక స్థితిః

* విమర్శించే వారి గతంః  సాధారణంగా ఇతరులను అకారణంగా విమర్శించేవారి గతం అనేక బాధలతో కూడి ఉంటుందని మానసిక విశ్లేషికుల అభిప్రాయం.   వారి జీవితంలో తరుచూ తల్లిదండ్రుల దూషణలకు, బందు మిత్రుల హేళనలకు గురై యుంటారు.
* విమర్శించే వారు  పొగడ్తలకోసం అర్రులు చాస్తూ ఉంటారుః  వీరు ఇతరులనుండి  పొగడ్తలు ఎక్కువగా ఆశిస్తుంటారు. తమకు సరియైన గుర్తింపులేదని తరుచూ అంతర్గతంగా బాధపడుతుంటారు. తాము చేసిన చిన్న చిన్న విషయాలను గోరంతలు కొండంతలు చేస్తూ  తమ గొప్పలు తరుచూ చెప్పుకుంటూ ఉంటారు.  నార్సిస్టిక్ పర్సనాలిటీ దిజార్డర్  అనే  మానసిక సమస్యతో మధన పడుతుంటారు.
* విమర్శించే వారు  మన స్నేహాన్ని, మన ప్రేమను ఎక్కువ మొత్తంలో  ఆశించినవాలై యుంటారు. ఎప్పుడైతే మనం వారు ఆశించినంత  సన్నిహితంగా మెలగటం లేదో మన  ద్రుష్టిని  ఆకర్షించేందుకు విమర్శిస్తుంటారు.
* విమర్శించే వారికి భావోద్వేగాలు సమతౌల్యం చేసుకొనే అవకాశం ఉండదుః   ప్రతీ వారికి తమ యొక్క  కోపాన్ని గాని,  భావోద్వేగాలను  వ్యక్తపరచేందుకు, సమతౌల్యం చేసుకొనేందుకు ఎదో ఒక వీలు అవకాశం ఉంటుంది.  వీటినే EMOTIONAL VENTILATORS ఆంటాం.  వీరికి  ఈ అవకాశం  లేకపోవడాం వలన ఎవరు దొరుకుతారా వారిపై  తమ కడుపులో ఉన్న  అక్కసు కక్కేద్దామని ఎదురుచూస్తుంటారు.  ఎదుటివారి మీద కోపం కన్న  తమ కడుపులో కుళ్ళు బయటకు పంపడానికే  అకారణం గా విమర్శిస్తుంటారు.
*విమర్శించే వారికి భవిష్యత్ పై ఆశ చాలా తక్కువగా ఉంటుందిః  తరుచూ  ఇతరులను అకారణంగా విమర్శించే వారికి తమ భవిష్యత్ మీద ఆశ ఉండదు. నిరాశావాదం తో క్రుగిపోతుంటారు.  ఇతరులు తమను ఎక్కడ అధిగమిస్తారో అనే భయం తో తరుచూ మధన పడుతుంటారు.
విమర్శించేవారు  అతి ఎక్కువ అసూయ, అతి తక్కువ ఆత్మ గౌరవం కలిగియుంటారు. ః  ఇతరులను విమర్శించే వారు తమపై తమకు తక్కువ అబ్జిప్రాయం కలిగియుంటారు.  తరుచూ మనలాంటి వాళ్ళకి అది సాధ్యమా, మన బ్రతుకులకి అలా వీలవుతుందా అనే  మాటలతో మనల్ని కూడా వాళ్ళలాగే  దద్దమ్మలగా లెక్క కట్టి మాట్లాడుతుంటారు. ఇతరులమీద అసూయ ఇక్కువ మొత్తంలో కలిగియుంటారు.
    విమర్శలను  ఎదుర్కోవడం ఎలా?
  రాముడులాంటి వాడే  విమర్శలను ఎదుర్కోలేక సీతను త్యజించాడని రామాయణంలో చెబుతారు.  ఈ సారి  మిమ్మల్ని ఇతరులు  విమర్శిస్తున్నపుడు వాటిని వ్యక్తిగతంగా తీసుకోకుండా వారి బలహీన మానసిక స్థితిని అర్థం చేసుకోడానికి ప్రయత్నించండి.  ఈ క్రింది విషయాలు గుర్తుంచుకోండి.
1. మీరు ఏదైనా ఒక పని చేసేటపుడు ఎవరైనా మిమ్మల్ని విమర్శిస్తే  వారు  ఆ రంగంలో  లేదా ఆ పనిలో అనుభవం ఉన్నవారా? కాదా? ప్రశ్నించుకోండి. ప్రతీ దద్దమ్మ చెప్పే కబుర్లు పట్టించుకోనవసరం లేదని గుర్తించండి.  వికెట్లమధ్య ప్రుగెత్తడం చేతకాక 38 సార్లు రన్ అవుట్  అయిన సంజయ్  మంజ్రేకర్  సచిన్  టెండుల్కర్ ని  ఎక్కడ అవకాశం దొరికినా విమర్శిస్తుంటాడు.  అంత పోటుగాడు అయితే  ఆడి చూపించవచ్చుగదా....
2. మన లక్ష్యం, మన కల ఎప్పుడూ   ఇతరుల విమర్శకన్నా బలంగా ఉండాలి.;   ఇతరుల విమర్శకు జడిసి మనం చేస్తున్న పనిని వదిలివేసామంటే మన లక్ష్యం  చాలా బలహీనంగా ఉందన్నమాట. ఎవరైతే స్థిరమైన ఖచ్చితమైన బలమైన కోరిక కలిగిఉంటారో  వారు  ఇతరులు కడుపుమంటతో చేసిన విమర్శలను పట్టించుకోరు.
3. మనల్ని విమర్శించే వారు మనం చేస్తున్న పనిలో లోపాలు, తప్పులు గురించి చెప్పేటపుడు  ఎలా చేస్తే, ఏమి చేస్తే బాగుంటుందో   అని వారిని ఒక సారి  ప్రశ్నించండి.  వారి వద్ద సమాధానం ఉండదు సరికదా  అక్కడనుండి పలాయనం చిత్తగిస్తారు.   ఈ సారి ప్రయత్నించి చూడండి.
4.విమర్శకులకు దూరంగా ఉండండి లేదా వారిని దూరంగా ఉంచండి;    ఎలాంటి వారైన విమర్శల బాణాల వాడిని  వేడిని  తట్టుకోలేరు.  వారిని దూరంగా ఉంచడం  లేదా మనం దూరంగా ఉండటం అన్నిటికన్నా  మంచిది.  రోడ్డుమీద దారి పొడుగునా ముళ్ళు ఉన్నప్పుడు  వాటిని పీకి వేస్తూ  సమయం దుర్వినియోగం చేసుకోవద్దు.  మంచి  చెప్పులు వేసుకుంటే  పోలా.
5.ఇంకా వివరాలు, చిట్కాలు  అనవసరం మౌలా నజిరుద్దీన్ కి  ఎదురైన ఒక అనుభవం చూడండి.  విమర్శకుల గురించి,  మనకు బాగా అర్థం  అవుతుంది.
    ఒక సారి  మౌలా నజిరుద్దీన్  తన కుమారుడి తో కలసి సంతకు వెళ్ళి  ఒక గాడిద కొన్నాడట్.  ఎందుకంటే  ఆ రోజుల్లో  గాడిదలే  ప్రధాన ప్రయాణ సాధనాలు.  గాడిద కొని  దాని పైన తన కుమారుడిని కూర్చోపెట్టి ప్రక్కన్ నడుస్తూ వస్తున్నాడట.  కొంతమంది  అది చూసి  ఏమయ్యా  నజిరుద్దీన్  మీ అబ్బాయికి  గారాబం చేస్తున్నావు. పిల్లడికి కష్టం అంటే తెలీక పోతే  రేపు పెద్దయ్యాక సమస్యలు ఎదుర్కుంటాడు. నీవు చేస్తున్న ఏమీ బాగో లేదు అని విమర్శించారట్.   దానితో నజీరుద్దీన్  పిల్లవాడిని దించి  తను  కూర్చొని ప్రయాణం సాగించాడట.  దార్లో కొద్ది మంది అది చూసి  ఏమయ్యా నజిరుద్దీన్  నీకు ఏమైనా బుర్ర ఉందా  చిన్న పిల్లవాడిని నడిపిస్తూ  ఇంత ఎదిగావు  ఆ మాత్రం తెలీదా అని విమర్శించారట.  దాంతో నజిరుద్దీన్  తాను మరియు తన కొడుకు ఇద్దరు కలసి గాడిద మీద కూర్చొని ముందుకు సాగారు. దార్లో కొద్ది మంది చూసి  అసలు మీలో మానవత్వం ఉందా  ఇద్ద్రరు కలసి కూర్చుంటే అది మొయ్యగలదా? మీలో సైతాన్  ప్రవేశించాడా అని శాపనార్థాలు మొదలెట్తారట.  దాంతో నజిరుద్దీన్  వెంటనే  తాను  తన కుమారుడు  గాడిద పైనుండి దిగి  ఇద్దరు కలసి  గాడిద తో  పాటు నడవడం మొదలెట్టారట.  దార్లో  మరికొందరు చూసి  ఏమయ్యా  నజిరుద్దీన్  ఏమి మనిషివయ్యా   ఉన్న అవకాశం  ఉపయోగించుకోడం చేతకాక పోతే ఎలాగయ్యా?  గాడిద కొని దానిని నడిపిస్తే అది ఎందుకు కొన్నావయ్యా?  దానిమీద కూర్చొని ప్రయాణం చెయ్యవచ్చుకదా  అని విమర్శల వర్షం మొదలెట్టారట. ఇప్పుడు  నజీరుద్దీన్  దగ్గర ఒకటే  అప్షన్ ఉంది.  దానిని  తండ్రి కొడుద్కులిద్దరూ మొయ్యడం  లేదా  గాడిద ను వదిలి పారిపోవడం.
         ఇతరులను సంత్రుప్తి పరచాలని ప్రయత్నిస్తే  ఎవరినీ సంత్రుప్తి పరచలేము.   ఇతరులు మనల్ని విమర్శిస్తున్నారంటే  మనలో ఏదో  విషయం  ఉందన్నమాట.  కాబట్టి  విమర్శలకు  వెఱవకుండా మనం ఎంచుకున్న రంగం లో  జైత్రయాత్ర మొదలెడుదామా.
ఆల్ ది బెస్ట్
అలజంగి ఉదయకుమార్
trainerudaykuma@gmail.com

చిరునవ్వులతో బ్రతకాలి...

డియర్ ఫ్రెండ్స్!

 నవ్వు నాలుగు విధాల స్వీటు అనడం మీకు తెలిసినదే. స్వర్గీయ జంధ్యాల గారు నవ్వడం ఒక యోగం, నవ్వించడం ఒక భోగం నవ్వకపోవడం ఒక రోగమని చలోక్తి విసిరారు. నవ్వడం వలన కలిగే లాభాలను తెలుసుకుందామా! మనసారా సదా నవ్వుతూనే ఉందామా?
1. నవ్వుతూ ఉందటం వలన మనలో ఆకర్షణ శక్తి పెరుగుతుందిః
సదా నవ్వుతూ ఉండటం వలన చిరునవ్వు చిందించడం వలన మన ఆకర్షణ శక్తి పెరుగుతుందనేది అక్షర సత్యం. కొత్తవారెవరైనా ఏదైనా విషయం తెలుసుకునేందుకు ప్రయత్నించేటపుడు ఎవరైతే నవ్వు ముఖం కలిగి ఉంటారో వారి దగ్గరకి వెళ్ళి ఆ విషయం అడుగుతారు. సీరియస్ గా ఉన్నవాళ్ళ దగ్గరకు వెళ్ళడానికి విముఖత చూపుతారు. చిరాకుగా, కోపంగా లేదా ఏడుపుగొట్టు మొహాన్ని ఎవరూ ఇష్టపడరనేది మనందరికీ తెలిసిందే. అదే నవ్వుతూ సరదాగా కనపడే వారు అందర్నీ తనవైపు ఆకర్షించుకుంటారు. మీరు ఏ హైదరాబాదో, ముంబాయో వెళ్ళారనుకోండి  ఎవరి ఎడ్రస్  తెలుసుకోవాలనుకోండి ఎడ్రస్ కాగితం పట్టుకొని నిల్చున్నారు. ఎదురుగా బస్ స్టాప్ లో ఇద్దరు వ్యక్తులున్నారు   ఒకడేమో చిరాకు మొహమేసుకొని ఉన్నాడు. మరొకతను నవ్వుతూ  ఆహ్లాదంగా ఉన్నాడు మరి మీరు ఎడ్రస్ అడగటానికి ఎవరి దగ్గరకు వెళ్ళటానికి ఇష్టపడతారు?
2. నవ్వు మన మూడ్ ని మారుస్తుంది;
ఏదైనా ఇబ్బందికరమైన పరిస్థితులలో మనం ఉన్నప్పుడు గట్టిగా నవ్వడానికి ప్రయత్నించండి. తప్పని సరిగా అన భావోద్వేగాలు అదుపులోకి వచ్చి తేలికవుతాం. మనసంతా నిండియున్న బరువు తీరి నట్టు అవుతుంది. శంకర్ దాదా సినిమాలో లాఫింగ్ థెరపీ ని మన లింగం మామ అదే హిరోయిన్ తండ్రి అయిన కాలేజ్ డీన్ ఎలా ఉపయోగించేవాడో చూసాం కదా! మరేం మూడ్ బాగోలేదనిపించినపుడు మంచి జోక్ ని ఫ్రెండ్ తో పంచుకోవడమో , కార్టూన్ చానల్ ని చూదటమో చేసి బరువు దించుకుందాం. కల కానిది విలువైనది బ్రతుకు కన్నీటి ధారలతోనే బలి చేయవద్దని పెద్దయన చక్కగా పాడి మరీ చెప్పారు కదా! మనం విని నడుచుకోక పోతే ఆయన మూడ్ మారిపోవచ్చు.
3. నవ్వు ఒకరినుండి మరొకరికి వ్యాపిస్తుంది.;
కళ్ళకలకలు వచ్చినపుడు ఒకరికి సోకితే అందరికీ ఎలా వ్యాపిస్తుందో అలాగే నవ్వుకూడా అంతే. ఒక గ్రూప్ లో అంతా నవ్వుతూ ఉన్నప్పుడు కొత్తగా ఎవరైనా వచ్చి చేరితే వారికి సందర్భం మరియు విషయం తెలియకపోయినప్పటికి ఆందరితో కలసి తెగ నవ్వేస్తాడు. ఎందుకు నవ్వుతున్నామని మనం అడిగితే మీరు నవ్వుతున్నారు కదా అంటాడు. మనకి తెలియని వాళ్ళు ఏదైనా విషయానికి నవ్వుతుంటే మనం కూడా శ్రుతి కలుపుతాం. తెలియని వ్యక్తి చచ్చి ఏడుస్తుంటే వారితో పాటు  మనం ఏడవం సరికదా జాతస్య ధ్రువో మృత్యు; అని వేదాంతం చెప్పడానికి రెడీ అవుతాం. అంటే నవ్వడం ద్వారా మన సైన్యాన్ని పెంచుకుందాం.
4. నవ్వు మన మానసిక శారీరక ఒత్తిడి ని తగ్గిస్తుంది;.
తీవ్రమైన పని ఒత్తిడితో మానసికంగా శారీరకంగా అలసిపోయినపుడు మనసారా నవ్వగలిగితే మంచి సరదా అయిన సంభాషణ పంచుకుంటే మనసంతా తేలికై ఆహ్లాదంగా ఉంటుంది. మన ఆలోచనలలో మార్పు కలిగి మన అలసట గురించి చికాకుల గురించి మరచి ప్రశాంతత పొందగలుగుతాం. మన ఒత్తిడి తగ్గి మన పని పై ధ్యాస పెట్టగలుగుతాం. ఒత్తిడియొక్క చిహ్నాలు మన మొహం పై మాయమై మందహాసం తొణికిసలాడుతుంది.
5. నవ్వు మన రోగ నిరోధక శక్తిని పెంచుతుందిః
నవ్వడం వలన మన వ్యాధి నిరోధక శక్తి పెరుగుతుందని పరిశోధనలు తెలుపుతున్నాయి. ఫ్లూ మరియు జలుబు నుండి తక్షణ ఉపశమనం పొందే అవకాశం ఎక్కువగా ఉంటుందట. అంతేకాక రిలాక్స్ అయ్యేందుకు నవ్వు బాగా ఉపయోగపడుతుంది. మన ఆరోగ్యం మరింత మెరుగయ్యే అవకాశం ఉంటుంది.
6. నవ్వడం వలన మన రక్తపోటు తగ్గుతుందిః
ఈ మధ్య జరిగిన పరిశోధనలలో నవ్వడం వలన అధిక రక్తపోటుతో బాధ పడుతున్నవారిలో చాలా మెరుగుపడే అవకాశం ఉంటుందని తేలిందట. స్పిగ్మో మానో మీటర్ లో మీ రక్తపోటు కొలుచుకునే ముందు ఒక నిమిషం పాటు హాయి గా నవ్వి తర్వాత మరల రక్తపోటు కొలిస్తే మార్పు ఉండే విషయం మీరే స్వయంగా చూడవచ్చును.
7. నవ్వు సహజమైన నివారిణిః
నవ్వడం వలన మన అంతఃస్రావీ గ్రంథులలో ఎండో ఫైన్స్ మరియు సెరోటోనైన్ మరియు నొప్పి నివారణ కు ఉపకరించె రసాయనిక హార్మోన్లు స్రవించి మన ఆరోగ్య స్థాయిని పెంచుతాయి. మనలో అనారోగ్యాన్ని తరిమికొడతాయి.
8. నవ్వు ముఖ సౌందర్యాన్ని పెంచుతుందిః
నవ్వడం వలన ముఖంలో గల కండరాలకు మంచి వ్యాయామం కలిగి అవి చురుకుగా ఉండేందుకు తద్వారా మరింత యవ్వనం గా కనిబడేటందుకు అవకాశం ఉంటుంది. అన్ని రసాయనిక సౌందర్య సాధనాలకన్నా ఖర్చులేని దివ్యమైన సాధనం మనసారా నవ్వడమే.
9. మీ విజయానికి మూలకారణం నవ్వేః
నవ్వు ఆత్మవిశ్వాసానికి, ధైర్యానికి చిహ్నం. ఎల్లప్పుడు నవ్వుతూ ఉండే వ్యక్తి అందరిలో చురుకుగా దూసుకుపోగలుగుతాడు. అందరి మన్ననలను పొందగలుగుతాడు. సమావేశాలలో అందరితో కలివిడిగా ఉండగలుగుతాడు. ఇలాంటి లక్షణాలు తప్పనిసరిగా విజయాన్ని తీసుకువస్తాయి. మీ విజయానికి దోహదపడతాయి.
10. నవ్వు ఎల్లప్పుడూ సానుకూలంగా ఉండటానికి దోహదపడుతుందిః
నవ్వుతూ ఉండటం వలన సానుకూలంగా ఆలోచించడానికి అవకాశం ఉంటుంది. నేను చేప్పేదానిని మీరు నమ్మకపోతే ఒకసారి బిగ్గరగా నవ్వుతూ ఈ వ్యాసం గురించి నెగటివ్ గా ఆలోచించడానికి ప్రయత్నించండి. నవ్వుతూ నెగటివ్ గా ఆలోచించడం సాధ్యపడదు. అంటే మనం ఎల్లప్పుడూ పాజిటివ్ గా అంటే సానుకూలంగా ఉండాలంటే నవ్వుతూ ముందుకెల్లడటమే. 

                 చిన్నపిల్లలు రోజుకు ఐదు వందలనుండి వెయ్యి సార్లు నవ్వితే పెద్దవారు రోజుకి ఐదు నుండి పదిహెడు సార్లు మాత్రమే నవ్వుతారని ఒక పరిశోధకుడు సెలవిచ్చాడు. భూమిని మోస్తున్న అట్లాస్ లా ఫీల్ అయిపోయి ప్రపంచంలో నున్న సమస్యలన్నీ నెత్తిమీద వేసుకొని ఓ తెగ బాధపడిపోవలసిన పనేమి లేదు మనస్పూర్తిగా నవ్వండి. నవ్వుతూ బ్రతికాలిరా తమ్ముడూ నవ్వుతూ చావాలిరా అని ఓ సినీ కవి అన్నట్టు ..
జీవితంలో ఉన్న కష్టాలు, బాధలు, కన్నీళ్ళు, ఒత్తిడులు, చికాకులు, చిరాకులు, చిటపటలు, ఉక్రోషాలు , ఏడుపులు అన్నింటికీ ఫుల్ స్టాప్ పెట్టి మనసారా నవ్వుకుందామా.........
చిరునవ్వులతో బ్రతకాలి....చిరంజీవిగా బ్రతకాలి... ఆనందాలను అన్వేషిస్తూ.. అందరికోసం బ్రతకాలి అందరినీ బ్రతికించాలి..........
విష్ యు గుడ్ లక్
trainerudaykumar@gmail.com

Self Esteem - Key of Success

self esteem:

 
ఆత్మ ఔన్నత్వం లేదా ఆత్మ గౌరవం ;

ప్రతీ వ్యక్తి జీవితం లో విజయం సాధించడానికి, తన శక్తియుక్తులమేరకు ఎదగడానికి దోహదపడేది అతను తనపై తాను పెంచుకున్న ఆత్మ ఔన్నత్వం లేదా అత్మగౌరవమే. No one can grow beyond his self esteem అని అంటాడు Jim Rohn అనే వ్యక్తిత్వ వికాస శిక్షకుడు. ముందుగా మనలో అత్మ ఔన్నత్వం ఎంత వరకు ఉందో క్రింది ప్రశ్నల ద్వారా తెలుసుకుందాం. నిజాయితీ గా క్రింది ప్రశ్నలకు సమాధానాలు ఇవ్వండి.
1 . ఇతరులు నాకన్నా గొప్ప అధ్రుష్టవంతులు మరియు గొప్పవాళ్ళు కారు.
2 . నన్ను నేను అంగీకరిస్తున్నాను మరియు నా గురించి నేను చాలా సంతోషంగా ఉన్నాను.
3.నలుగురిలో కలవడాన్ని ఇష్టపడతాను.
4 . నన్ను నేను విలువైన వ్యక్తిగా నలుగురికి అవసరమైన వ్యక్తిగా భావిస్తాను.
5 . నేను మంచిపని చేసాను అని ఇతరులు చెప్పవలసిన పని లేదు.
6 . నేను నాలా ఉండటమే నాకు ముఖ్యం.
7 . ఇతరులతో త్వరగా స్నేహం చేయగలుగుతాను.
8 . నా గురించి తక్కువగా భావించకుండా ఇతరుల విమర్శలను స్వీకరించగలుగుతాను.
9 . నా తప్పులను బహిరంగంగా ఒప్పుకోగలను.
10 . నా స్పందనను. భావాలను నేను దాచుకోను.
11.నా అభిప్రాయాలను స్వచ్చంధంగా వ్యక్తపరచగలను.
12. నేను ఉల్లాసంగా, నిర్భయంగా ఉండే వ్యక్తిని.
13 . నా గురించి, నా అభిప్రాయలను గురించి ఇతరులు ఏమనుకున్నా పట్టించుకోను.
14. ఇతరులు నా అభిప్రాయలకు తమ ఆమోదం తెలపాలని ఆశించను.
15. నేను కోరుకునే వాటిని గురించి ఇష్టపడేవాటిగురించి గిల్టీగా అపరాధబావాన్ని నేను తలంచను.
16. ఇతరుల అభిమానానికి , ప్రేమకి నేను పూర్తి అర్హత కలిగియున్నాను.

TEST SCORE: అవును అనే ప్రతీ సమాధానానికి ఒకమార్కు వేసుకోండి

15-16 మార్కులు - మీ ఆత్మ ఔన్నత్వం చాలా అధికంగా ఉంది. ఆల్ ది బెస్ట్
12-14 మార్కులు - పర్వాలేదు. మెరుగుపడే అవకాశం ఉంది.
8-11 మార్కులు - చాలా తక్కువగా ఉంది. అనేక సందర్భంలో మిమ్మల్ని వెనక్కు లాగుతోంది.
8 మార్కుల కన్నా తక్కువ - మీ ఆత్మ గౌరవం చాలా తక్కువ స్థాయిలో ఉంది.

మరి ఆత్మవిశ్వాసాన్ని, ఆత్మ గౌరవాన్ని, ఆత్మ ఔన్నత్వాన్ని ఎలా పెంచుకోవాలి.

* మీరు సాధించిన విజయాల గురించి ఆలోచించండి.
* విమర్శకులకు బెదరకండి. ఇతరులు మనలను పొగడారంటే మన వలన వారికి ఏదో ప్రయోజనం ఉందన్నమాట. విమర్శించారంటే ప్రస్తుతం వారికి మన అవసరం పెద్దగా లేదన్నమాట.
* వాస్తవాల్ని గ్రహించండి.
* భవిష్యత్తు పై ధ్రుష్టి పెట్టండి.
*విమర్శకులకన్నా పెద్దగా ఆలోచించండి. వారికన్నా ఉన్నతంగా ఆలోచించండి.
*మీ గురించి మీరు ఉన్నతంగా ఉండటానికి ఏ అంశాలు మెరుగుపరుచుకోవాలో తెలుసుకోండి.
* ఆత్మ పరిశిలనతో మీలో లోపాలను సరిదిద్దుకోండి.
* సీత కష్టాలు సీతవి, పీత కష్టాలు పీతవి. ప్రతి ఒక్కడికీ వాడి స్థాయిని బట్టి సమస్యలుంటాయని తెలుసుకోండి.
*మన ఆలోచన స్థాయి మేరకే మనం ఎదగగలగమని గుర్తించి, ఎంత మేరకు ఎదగాలనుకుంటున్నారో ఆ స్థాయి మేరకు ఆలోచనలు పెంచుకోండి.
* ఈ స్రుష్టిలో కేవలం మనం ఒకరికి మాత్రమే జవాబుదారి. అది ఎవరో తెలుసుకొని ఆత్మసాక్షి గా పనిచేయండి.
* ఆనందం భవిష్యత్తులో ఉండదు. ఈ క్షణం ఆనందంగా ఉండలేని వాడు ఏ క్షణం ఆనందంగా ఉండలేదు.
విష్ యు ఆల్ ది బెస్ట్
అలజంగి ఉదయ్ కుమార్
trainerudaykumar@gamil.com

Process of Learning:

Process of Learning:
అభ్యాసన ప్రక్రియః
డియర్ ఫ్రెండ్స్ ,
ఏదైన విషయాన్ని, నైపుణ్యాన్ని మనం నేర్చుకునే ప్రక్రియలో గల వివిధ దశలను తెలుసుకుందాం. ఇది కేవలం విద్యార్థులకే కాదు. ఉద్యోగులకు, గ్రుహిణులకు క్రీడాకారులకు సమాజం లోని అన్ని వర్గాలకు అనువర్తింపచేయవచ్చును. కారు డ్రైవింగ్ నేర్చుకోవడం గాని, స్విమ్మింగ్ నేర్చుకోవడం గాని, కొత్తగా వచ్చిన టూల్ ని నేర్చుకోవడం గాని ఏదైనా కావచ్చును.

మొదటి దశః Unconscious/incompetence: Incompetence ఆంటే ఏదైన ఒక విషయంలో దానికి తగిన పరిజ్నానం లేకపోవడం. దానిని తెలుసుకోవాలనే ఆలోచన ఈ దశ లో ఉండదు. ఉదాహరణకు కార్ డ్రైవింగ్ రాకపోవడం. కారు లేకపోవడం వలన దానిని నడపాల్సిన ఆవశ్యకత లేకపోవడం వలన్ ఆ నైపుణ్యన్ని నేర్చుకోవాలనే చేతన కలగకపోవడం. డిగ్రీ చధువుతున్న విద్యార్థులకు భాషా నైపుణ్యాలు, ఉద్యోగసాధనా నైపుణ్యాలు పెంచుకోవాలనె ఆలోచనలేకపోవడం ఈ దశ లో ఉంటుంది.
రెండవ దశః Conscious/ Incompetence: ఈ దశలో తనకు ఫలానా నైపుణ్యం లేదని గుర్తించడం జరుగుతుంది. ఆ నైపుణ్యం లేకపోవడం వలన కలిగిన్ ఇబ్బందులు, దానిని నేర్చుకోవడం వలన కలిగే ప్రయోజనాలు గుర్తిస్తాడు. కొత్తగా పెళ్ళైన అమ్మాయి వంట రాకపోవడం వలన అత్తవలన గాని భర్త వలన గాని మాటలు పడటం, ఉద్యోగం కోసం ఇంటర్యూ కి హాజరైన విద్యార్థి ఇంగ్లీషులో మాట్లాడలేక తెల్లమొహం వేయడం. కారు కొనుక్కునే అవకాశం కంపెనీ వారు ఇచ్చినా డ్రైవింగ్ రాకపోవడం వలన ఆ సౌకర్యం ఉపయోగించుకోలేకపోవడం, ఆడ్వాన్స్ టూల్స్ నేర్చుకోకపోవడం వలన ఫైర్ కాబడటం ఇలాంటి దశకు దారితీస్తాయి.
మూడవ దశః Conscious/ Competence: నేర్చుకుంటున్న మొదటి దశ ఇది. అతి జాగ్రత్తగా అన్ని విషయాలను ధ్రుష్టిలో పెట్టుకొని మాన్యుయల్ దగ్గరపెట్టుకొని దానిని అమలుచేయడం నేర్చుకోవడం. మాటి మాటికి ఉడికిందా లేదా, ఉప్పు సరిపోయిందా లేదా అని జాగ్రత్త పడుతూ వంట చేయడం లాంటింది. స్పీడ్ బ్రేకర్ కి కిలోమీటర్ ముందే బ్రేక్ వేస్తూ, టర్నింగ్ ల వద్ద సవాలక్ష జాగ్రత్తలు తీసుకుంటూ డ్రైవింగ్ చేయడం లాంటింది. గ్రామర్ ప్రకారం మాట్లాడుతున్నానా లేదా అని పదే పదే పరిశీలించుకోవడం ఈ దశలో ఉంటుంది.
నాలుగవ దశ ; Unconscious/ Competence: ఈ దశలో అభ్యాసన పూర్తవడం వలన పదే పదే ఆ పనిని చేయడం వలన ఆ పనిపై మంచి పట్టు సంపాదించి అచేతనంగా పెద్ద ప్రయాసలేకుండా ఆ పని చేయగల స్థాయి కి చేరుకుంటాం. సునాయసంగా డ్రైవింగ్ చేయగలగడం, డ్రైవింగ్ చేస్తూ సెల్ ఫోన్ లో మాట్లాడగలగటం, ఎంత మంది చుట్టాలు ఇంటికి వచ్చినా ఏ మాత్రం ప్రయాస లేకుండా రుచిగా వండగలగటం, బోర్డ్ మీటింగ్ లో గాని మేనేజింగ్ డైరెక్టర్ వద్ద సైతం ఆంగ్లం లో బల్లగుద్ది మరీ మాట్లాడగలగటం ఈ దశలో సాధ్యమౌతుంది. అబ్యాసనలో అత్యున్నత దశ ఇది. చాలా మంది ఈ దశలో ఆగిపోవడం జరుగుతుంది
ఐదవ దశ; Achieving Mastery; మనసా వాచా కర్మేణా త్రికరణ శుద్దితో పదే పదే ఒక పనిని చేయడం వలన ఆ పనిలో పూర్తి నైపుణ్యం సాధించగలుగుతారు. ఈ స్థాయి కి ఎలా వచ్చారో వారికి కూడా ఆశ్చర్యంగా ఉంటుంది. ఏలా జరిగింది అంటే ఏమో అనే సమాధానం వస్తుంది. ఆ పనిలో పరిపూర్ణత సాధించడమే కాకుండా అత్యున్నత స్థితిలో ఉంటారు గాని దానికి సంబంధించిన సందేహాలు గాని, తాము పాటించే నైపుణ్యాలు ఇతరులకు బోధించలేరు. తమను చూసి తెలుసుకోమని మాత్రం చెబుతుంటారు.
ఆరవ దశ; Coach/ Guru/ Mentor: ఇతరులకు ఒక విషయంలో పరిపూర్ణులుగా తీర్చిదిద్దే ప్రావీణ్యత కలిగియుండటం. అభ్యాసనలో గల మొదటి నాలుగు దశలపై సంపూర్ణ అవగాహన కల్గియుండి అభ్యాసకులతో ప్రాధమిక స్థాయినుండి అన్ని అంశాలను క్షుణ్ణంగా సంసిద్ధం చేయగలుగుతారు> వారికి ఆ విషయం పై పూర్తి ప్రావీణ్యత లేకపోయినప్పటికీ శిక్షణలో విజయం సాధించగలిగే స్థితిలో ఉంటారు. ఉధాహరణ కు రమాకాంత్ అచ్రేకర్ పెద్ద క్రికెటర్ కాకపోయినా సచిన్, కాంబ్లి, ఆమ్రే లాంటి సక్సెస్ ఫుల్ ఆటగాళ్ళను తయారు చేయగలిగాడు. బుకానన్, వాట్ మోర్ కూడా ఈ కోవకే చెందుతారు.
ఫ్రెండ్స్, పై అంశాలను ధ్రుష్టిలో ఉంచుకొని అభ్యాసన లో అత్యున్నత స్థాయిని చేరుకునేందుకు మనమంతా ప్రయత్నిద్దాం. విష్ యు ఆల్ ది బెస్ట్
అలజంగి ఉదయ్ కుమార్
trainerudaykumar@gmail.com

How to be positive in Negative Environment

How to be positive in Negative Environment
మన చుట్టు ఉన్న వాతావరణంలో వివిధ రకాల వ్యక్తులతో మనం జీవించేటపుడు మనం ఎంత సానుకూలంగా ఉండాలని ప్రయత్నించేటప్పడికీ ఇతరుల వ్యతిరేఖ ప్రవర్తన మనపై తీవ్ర ప్రభావం చూపించే అవకాశం ఎక్కువ. మరి అటువంటి పరిస్థితులలో సానుకూలంగా ఎలా ఉండాలనేది మిలియన్ డాలర్ల ప్రశ్నః
క్రింది విషయాలను ఆచరించడానికి ప్రయత్నిస్తే కొంతవరకు సానుకూలంగా ఉండేందుకు అవకాశం ఉంటుంది. మరి వాటిని తెలుసుకొని ప్రయత్నిద్దామా?
1. Spread a Smile Around: నిరంతరం చిరుమందహాసాన్ని మన మొహంపై తొలగించకుండా ఉండగలిగితో సాధారణంగా మనతో ఇతరులు సరిగా ప్రవర్తించే అవకాశం ఉంటుంది. రెండుచేతులు కలిస్తే కదా చప్పట్లు వచ్చేది. ఎదుటివారి పట్ల వ్యతిరేఖభావంతో గాకుండా సాధ్యమైనంతవరకు నవ్వుతూ మాట్లాడటం వలన మనతో వారు సక్రమంగా ప్రవర్తించే అవకాశం ఉంటుంది.
2.Recognize & Compliment Others: ఇతరులలో ఉన్న ప్రతిభను గాని, వారు చేసిన మంచిపనిని గాని వెంటనే గుర్తించి మెచ్చుకున్నట్లయితే వారిలో మనం మనపట్ల మంచి అభిప్రాయం ఏర్పరచినవారవుతాం. ఇతరుల విజయం గాని, వారు సాధించిన మెచ్చుకోతగ్గ విషయాలు గాని తెలిసికూడా చాలామంది మౌనంగా ఉంటారు. భగవంతుడు కూడా స్తోత్రపియుడు. మంచిని గుర్తించి ప్రసంశించేందుకు మంచి మనసు అవసరం. మంచి మానవ సంబంధాల సాధనకు ప్రశంస మంచి సాధనం. అయితే అది నిజాయితీ తో కూడినదై ఉండాలి.
3.Keep an Open Mind: ఇతరులపట్ల మంచి అభిప్రాయం కలిగియుండి వారు చెప్పేది మనస్పూర్తిగా వినడమే కాకుండా స్పందిస్తూ ఉండటం వలన ఇతరులు మనపై మంచి అభిప్రాయం ఏర్పరుచుకునేందుకు అవకాశం ఉంటుంది. సంకుచిత భావాల వలన, స్వార్ద పూరిత అభిప్రాయాల వలన తాత్కాలికంగా లాభం ఉంటుందేమో గాని శాశ్వతంగా చాలా ఇబ్బంది పడకతప్పదని గ్రహించాలి.
4. Forgive & Forget: To err is human, to forgive is divine అని పోప్ జాన్ పాల్ అన్నట్టు గా ఒకవేళ ఇతరుల వలన ఏదైనా తప్పిదం జరిగినట్టైతే సాధ్యమైనంత త్వరగా మన్నించగలిగితే మన ఆరోగ్యం బాగుంటుంది. గతాన్ని తవ్వుకుంటూ విలపించడం వలన ఒరిగేదేమీ ఉండదు సరికదా మన సమయమే కాదు ఆరోగ్యం కూడా నష్టపోయే అవకాశం ఎక్కువ. జరిగిన తప్పులు మరచిపోవాలి గాని తప్పు చేసిన వాడిని గుర్తుంచుకోమని బెంజమిన్ ఫ్రాంక్లిన్ అంటారు. మరలా వారికి అలంటి అవకాశం ఇవ్వకుండా జాగ్రత్తపడమని ఆయన ఉద్దేశ్యం.
5. Keep Your Promise.: ఇతరులకు ఇచ్చిన మాట నిలబెట్టుకునేందుకు ఎప్పుడూ ప్రయత్నించాలి. నిలబెట్టుకోలేని మాటలు ఇవ్వకుండా జాగ్రత్తపడాలి. ఆడిన మాట నిలబెట్టుకున్నాడు కాబట్టే రాముడు దేవుడు కాగలిగాడు. ఆడి తప్పడంవలన మన విశ్వసనీయత తగ్గే అవకాశం ఉంటుంది. సానుకూలంగా ఆలోచించేందుకు అవకాశం తక్కువగా ఉంటుంది.
6.Be Trustworthy: ఇతరులు మనల్ని నమ్మేది మన విశ్వసనీయత వలనే. ఒక అబ్బాయి జామకాయ కోయాలని చెట్టు ఎక్కాడట. అలా పైకి ఎక్కిన తర్వాత క్రిందికి చూస్తే భయం వేసి తెగ ఏడవడం మొదలుపెట్తాడట ఎలా దిగాలో తెలియక. చాలా మంది వచ్చి క్రింద వల లాంటింది ఏర్పాటు చేసి గెంతమని చెప్పారట. ఎవరెంతగ చెప్పినా ఆ అబ్బాయి వినకుండా ఏడుపు కొనసాగించాడట. ఈ లోగా విషయం తెలుసుకున్న వాడి తండ్రి ఆఫీస్ నుండి వచ్చి రెండు చేతులు చాపి గెంతమని ఆడిగిన వెంటనే ఏమాత్రం ఆలోచించకుండా వెంటనే గెంతేసాడట. ఇంతమంది ఎంత బ్రతిమలాడినా గెంతని అబ్బాయి వాడి నాన్నా గెంతమని అడిగేసరికి వెంటనే ఎందుకు గెంతాడు. వాడి తండ్రి పట్ల వాడికున్న విశ్వసనీయత. అదే విధంగా మన పట్ల ఇతరులకు మన ప్రవర్తన వలన, ఇచ్చిన మాట నిలబెట్టుకోవడం వలన కలుగుతుంది.
7.Speak What is Good: ఏ విషయం పడితే ఆ విషయం మాట్లాడకుండా మనం మాట్లాడకుండా మూడు విషయాలు గుర్తుంచుకొని మాట్లాడాలి. మనం మాట్లాడేది నిజమేనా? ఎవరికైనా నష్టం కలిగిస్తుందా ? మాట్లాడవలసిన అవసరం ఉందా అని తెలుసుకొని మాట్లాడాలి.మన మనసును, ఇతరులమనసును శాంతబరిచే మాటలే మాట్లాడాలని తులసీదాస్ చెప్పాడు.
8. Accept all the Changes: మార్పు అనేది ప్రక్రుతిలో అతి సహజమైన విషయం. ఎందుకిలా జరిగింది అని వగచేకన్నా మార్పుకు తగ్గట్టుగా మారి, మార్పును మనస్పూర్తిగా ఆహ్వానించడం మన భాధ్యత. సానుకూలంగా ఆలోచించేవారు అన్ని పరిస్థితులకు మారడానికి సిద్ధంగా ఉంటారు.
9. Respond to Stimulus: చర్యకు ప్రతిచర్య నేటి మానవ సమాజంలో సమాధానం కాదు. ఇతరుల ప్రవర్తనగాని, ఏదైనా విషయాలకు గాని ఏ మాత్రం ఆలోచించకుండా ప్రతిచర్యకు సిధ్ధపడకుండా వీలైనంత సమయం ఆలోచించి సరియైన ప్రతిస్పందనని ఎంచుకొని వాటి పర్యవసానాలను ఆలోచించి ప్రతిస్పందించాలి. లేనియెడల తీవ్రంగా పశ్చాతాప పడాల్సి ఉంటుంది.
10. Look for Fun: చుట్టు ఉన్న వారితో హాస్యస్పూరకంగా సంభాషిస్తూ జరుగుతున్నా విషయాలను ప్రశాంతంగా, తేలికగా తీసుకోవడం వలన మన మానసిక సమతౌల్యం ఇతరులకు తెలిసి మనతో వారు సరిగా ప్రవర్తించేందుకు మన పట్ల సానుకూల వైఖరి కలిగి యుండేందుకు అవకాశం ఉంటుంది.
పై విషయాలన్ని మనకు తెలిసినవే అయినప్పటికీ ఆచరణలో మనం చాలా సార్లు విస్మరించే అవకాశం ఉంటుంది . విష్ యు ఆల్ ది బెస్ట్
అలజంగి ఉదయకుమార్
trainerudaykumar@gmail.com

The Negative People at Work Place

The Negative People at Work Place:

మనం పనిచేసే వాతావరణం లో అనేక మనస్తత్వాలున్న అనేకమంది పనిచేస్తుంటారు.  పైకి అంతా  నవ్వుతూ ఆనందంగా కనబడుతుంటారు కాని అంతర్గతంగా రకరకాలుగా ఉంటారు.  అందులో సానుకూల దృక్పథం ఉన్నవారితో కలిసి పనిచేయడం ఎంత ఆనందమో  వ్యతిరేఖ దృక్పథం ఉన్న వాళ్ళతో సర్దుకు పోవడం అంట సులభం కాదు. వీరందరితో సర్దుకుపోతూ పనిచేయడం అంత సుళువైన విషయం కాదు. ముందుగ విభిన్న రకాలవ్యతిరేఖ దృక్పథం ఉన్న  మనుష్యులను ముందుగా అర్ధం చేసుకుందాం. 

1. COMPLAINERS( ఫిర్యాదిగాళ్ళు) : వీరు తరుచూ అన్ని విషయాల పట్ల, అందరివ్యక్తుల తీవ్ర అసంతృప్తి తో  ఉండి వారిలోని లోపాలను నిత్యం కనబడే ప్రతీవారికి ఫిర్యాదు చేస్తుంటారు. కోడిగుడ్డు పై వెంట్రుకులుతీసే పనిలో నిత్యం ఆనంద పడుతుంటారు.
2, BACKSTABBERS (వెన్నుపోటుగాళ్ళు) : వీరు మన ఎదుట చాలా మంచిగా నటిస్తూ ఉంటారు కాని సమయం చూసి మన అంచనాకు ఏ మాత్రం అందకుండా దొంగదెబ్బ తీస్తారు. వీరి వినమ్రత, నక్క వినయాలు చూసి వీరిపై పూర్తిగా ఆధారపడ్డామా అడ్డంగా దొరికిపోతాం.
3. CONTROLLERS: (రిమోట్ గాళ్ళు): మన స్వంత విషయాల్లో గాని ఇతర విషయాల్లో గాని అధికంగా జోక్యం చేసుకుంటూ మనపై ఆధిక్యం చూపించాలని ప్రయత్నిస్తూ ఉంటారు. అందరూ తమ నియంత్రణలో ఉండాలనే భ్రమల్లో బ్రతుకుతూ ఉంటారు.
4. CLAMS : ( దాగుడుమూతగాళ్ళు); వీరు ప్రతీ పని చాలా రహస్యంగా చేస్తుంటారు. తమ విషయలు ఎవరితో పంచుకోవడం గాని నలుగురికి చెప్పడం గాని ఎప్పుడు చేయరు. ఆఖరికి వాళ్ళ అబ్బాయి పెళ్ళి నిర్ణయించబడిన విషయం పక్కింటివారికి కార్డు ఇచ్చినంతవరకు కూడా తెలియనీయరు.
5. SLUFFERS: (పనిదొంగలు): వీరు ఏ మాత్రం అనుకున్న సమయనికి లేదా వస్తామన్న సమయానికి ఎప్పుడూ రారు. పని చేయాల్సివస్తే ఇలా కనబడి అలా మాయమైపోతారు. పనిపూర్తయ్యాక తప్పనిసరిగా   కనబడతారు. వీరిని నమ్ముకొని ఏ పని మొదలెట్టినా పనంతా మనం చేసుకోవలసి వస్తుంది లేదా అనుకున్న ప ని  వీరి మూలంగా వాయిదా పడే పరిస్థితి తలెత్తుతుంది.
6. GOSSIPERS :( పుకారుగాళ్ళు) ; వీరికి లేనిపోని, పనికిమాలిన అనవసర కబుర్లతో కాలక్షేపం చేయడమంటే  వీరికి చాలా  ఇష్టం . నిత్యం ఎవరిగురించో గాలికబుర్లు ప్రచారం చేస్తుంటారు. ఎవరినైనా ఎత్తెయ్యాలన్నా, ముంచెయ్యాలన్నా వీరికి క్షణంలో పని.
7. WALKING WOUNDED : ( క్షతగాత్రులు) : జీవితంలో అనేక విషయాల్లో ఎదురుదెబ్బలు తినడం వలన ప్రపంచం లోని సమస్యలన్నీ వీరికే ఉన్నట్టు తలవేలాడేసుకుంటూ పనిచేస్తుంటారు. తాము ఎన్ని బాధల్లో ఉన్నప్పటికీ ఒక్కరే పనిభారం తమపై వేసుకొని ఒకరితో సంబంధం లేకుండా పనిచేస్తుంటారు.
8. NEGATIVES: ( రంధ్రాన్వేషణగాళ్ళు) ;  వీరు ప్రతీ విషయంలో నెగటివ్ ఏముందో దానిని వెతకడానికి ప్రయత్నిస్తుంటారు. నిరాశవాదంతో తెగ నలిగిపోతూ ఎవడూ సుఖంగా లేకుండా అందరిలో గాలి తీస్తుంటారు.
9. BROWN NOSERS; (చంచాగాళ్ళు) ;ఎలాంటివారినైనా భట్రాజు పొగడ్తలతో తెగ పొగిడి తమ పని కాకా పట్టి చేయించుకుంటుంటారు. తమ పనిపూర్తయినంతవరకు తెగ పాలిష్ చేస్తుంటారు.
10. SNIPPERS; ( దొంగదెబ్బగాళ్ళు ); పైకి మంచిగా కనబడినా చాటుగా గోతులు తెగ తీస్తుంటారు. ఎటువంటి పరిస్థితుల్లో ఎవరికీ దొరకరు. అకస్మాత్తుగా దాడిచేయడం లో సిద్ధ హస్తులు. 11.WHINERS ( ఏడుపుగొట్టు గాళ్ళు) : ఎప్పుడు ఇతరుల ఉన్నతిని , విజయాలను చూసి ఏడిచేవాళ్ళు. అందరూ బాగున్నారు కాని తాము మాత్రమె ఎదగాలేకపోతున్నాం అంటూ తెగ బాధపడుతుంటారు.  ఎపుడు ఇతరుల పై అసూయ తొ ఉంటూ ఉండేవాళ్ళు . 

12. EXPLODERS (పటాష్ గాళ్ళు); వీరికి వ్యతిరేకంగా ఏమి జరిగినా  వీరు అనుకున్నట్టు వీరికి ఏ మాత్రం అనుకూలంగా జరగకపోయినా పటాష్ లా ఫట్ మని బద్దలై బీభత్సం   సృష్టిస్తారు. వీరితో పెట్టుకోవడం చాలా ప్రమాదం అని అందరూ అనుకునేలా నోరు వేసుకొని మీద పడుతుంటారు. . 

13. PATRONIZERS; (వకల్తా గాల్లు);  వీరు ఎప్పుడు తమ గురించి కాకుండా ఇతరుల గురించి వకల్తా తీసుకొని మాట్లాడుతుంటారు. వారికి సంబంధం  లేకపోయినా ఇతరులగురించి వీరు తెగ ఫీలైపోతుంటారు. 

పై మనస్తత్వంతో ఉన్నవారు మీతో పనిచేసేవారు గుర్తుకువస్తున్నారా ? వీరిని ఎలా  సంస్కరించాలనే ఆలోచనలొద్దు. వీరినుండి మనం మనల్ని ఎలా కాపాడుకోవాలో ఆలోచిద్దాం. దారిలో ముళ్ళుంటే అవన్నీ ఏరుకొని కూర్చుంటామా, కాళ్ళకు మంచి చెప్పులు వేసుకుంటే సరిపోలా?
విష్ యూ ఆల్ ది బెస్ట్
అలజంగి ఉదయ్ కుమార్
trainerudaykumar@gmail.com

Role of Parents in educating their Children

"Parents who know their children's

teachers and help with the homework

and teach their kids right from wrong --

these parents can make all the difference."  --  U.S. Ex  President Bill Clinton

    ఈ రోజుల్లో  చాలా మంది పిల్లల్ని తరుచూ ఒక్ స్కూలు నుండి మరొక స్కూలు మార్చడమే కాకుండా ఇంచుమించు ఏ స్కూలు పట్ల సరియైన సంత్రుప్తి కలిగి ఉండటం లేదు.  స్కూలు ని లేదా ఉపాధ్యాయుల్ని నిందించే ముందు అసలు తల్లిదండ్రులుగా మన భాధ్యతలను  ఎంత వరకు నెరవెరుస్తున్నామో అనేది మిలియన్ డాలర్ల ప్రశ్న.    అమెరికన్ మాజీ  అధ్యక్షుడు తల్లిదండ్రుల భాధ్యత గురించి చాలా వివరంగా చెప్పాడు  ఏ తల్లిదండ్రులైతే వారి పిల్లల టీచర్లను తెలుసుకొని యుండి, పిల్లల హోమ్ వర్క్ లో సహయం చేస్తూ వరికి మంచి చెడ్డల గురించి బోధిస్తూ ఉంటారో వారు పిల్లల్లో చాలా మార్పు తేగలుగుతారని.

     ప్రతీ తల్లిదండ్రులు పిల్లల చదువు పట్ల తీసుకోవలసిన  జాగ్రత్తలు గురించి  తెలుసుకొందాం.

*  పిల్లలు చదువుతున్నప్పుడు  మీరు కూడా మీకు నచ్చిన నవలకాని, మ్యాగ్ జైన్  గాని లేదా న్యూస్ పేపర్ గాని తీసి చదవండి. వారు చదవడానికి ఆహ్లదకరమైన పరిస్థితులు ఉండేటట్టుగా చూడండి.  ఆ సమయంలో మీరు  టీ.వీ చూడటం లేదా ఇతర అంశాలు చర్చించడం వలన వారి  ఏకాగ్రతను మనమే పాడు చేస్తుంటామని గ్రహించండి.

* పిల్లలు  టీవీ చూసే సమయం నియంత్రించండి. పిల్లలు టీ వీ చూడకుండా నియంత్రించడం ప్రతీ తల్లిదండ్రులకు కత్తి మీద సామే.  ఏ కార్యక్రమాలు చూడాలి?  ఎంత సేపు చూడాలి?  వారితో చర్చించి ఒక సమయం కేటాయించుకునేటట్టుగా ఒప్పందానికి రండి.  కొన్ని కార్యక్రమాలు వారితో కలిసి చూడటం చేయాలి.  పూర్తిగా కేబుల్ కనెక్షన్ తీసివేయడం అర్థరాహిత్యం.

*హోమ్ వర్క్ ఏ సమయంలో చేయాలో సమయాన్ని ముందుగా నిర్దేశించుకోండి.  వారి  స్కూల్ డైరీ తీసి  ఏ అంశాలు  హోమ్ వర్క్ గా ఇచ్చారో  చూడటం ప్రతీ తల్లి లేదా తండ్రి కనీస భాధ్యత  దానికి పావుగంట కన్నా ఎక్కువ సమయం పట్టదు. మనం బిజీ అని లేదా ఈకాలం చదువులు నాకు అవగాహన లేదని తప్పించుకోడానికి ప్రయత్నిస్తాం. ప్రతీ రోజు స్కూల్ డైరీ చూడటం వలన్ స్కూల్ లో ఏం జరుగుతుందో తెలియడమే కాకుండా వారి ఉపాధ్యాయులతో నిర్మాణాత్మకం గా చర్చించడానికి అవకాశం ఉంటుంది.

*పిల్లలతో ఎక్కువ  సమయం గడపండి. వారి సమ వయస్కులతో వారు ఎదుర్కోనే ఒత్తిడిని ఎలా తట్టుకోవాలో చర్చీచాలి.  తక్కువ  మాట్లాడుతూ ఎక్కువ వినడానికి ప్రాధాన్యత ఇవ్వండి. వారి స్నేహితులెవరో వారు ఎవరితో పోటీ పడుతున్నారో మనకు తెలిసి ఉండాలి.

* మీరు పిల్లల్నుండి ఏమీ ఆశిస్తున్నారో వారికి చెబుతూ ఉండండి.    బ్రయాన్  ట్రైసీ అనే రచయిత  లా  ఆఫ్  ఎక్స్ పెక్టేషన్స్  అని  మన అంచనాలుకు తగ్గట్టుగా పిల్లలు నిలవడానికి నిత్యం ప్రయత్నిస్తూ ఉంటారని చెబుతాడు.   అయితే ఆ అంచనాలు  ఆచరణ  సాధ్యమైనవిగా చూడండి. లేకపోతే వారు తీవ్ర ఒత్తిడికి లోనయ్యే  ప్రమాదం ఉంది.

* స్కూలు ని తరచూ సందర్శించండిః    మన పిల్లలు చదువుతున్న స్కూల్ కి  తరుచూ  వెళ్తూ వారు ఏ సమయం మనకి కేటాయించారో ఆ సమయంలో  ఉపాధ్యాయులతో  పిల్లల గురించి చర్చించాలి. స్కూల్ ప్రమణాలలో తేడా లేదా లోపాలు ఉంటే  ప్రిన్సిపాల్  ధృష్టికి తీసుకురావాలి.

అంతే తప్ప ఎవరో చెప్పిన మాటల బట్టి లేదా పేపర్లలో ప్రకటనల బట్టి  అంచనా వేయవద్దు.

* స్కూల్ యాజమాన్యంతో  సహకరించండి.   ఫీజులు సకాలంలో చెల్లించడం  ఒకవేళ ఏదైనా కారణం చేత ఆలస్యమైతే ముందుగా స్కూల్ వారికి చెప్పి అనుమతి తీసుకోవడం తల్లిదండ్రులుగా మన విధి. స్కూల్ ఫీజు గురించి  మన పిల్లల్ని వారు  అందరిలో అడగటం, నోటీస్ బోర్డులో పేర్లు  ఉంచడం పిల్లల మానసిక స్థాయి మీద చాలా ప్రభావం చూపుతొందని మరువ వద్దు. మేము అలా కాదండి అని బాధ పడాల్సిన పనేమీ లేదు ఏ కార్పోరేట్ స్కూల్ అయినా అతి సాధారణ స్కూల్ అయినా ఎదుర్కొంటున్న అతి సాధారణ్ సమస్య ఫీజులు వసూలు కాకపోవడం.

          మన పిల్లల చదువు  భాధ్యత కేవలం ఒక్క స్కూల్ ది మాత్రమే కాదు.  ఇది ఉమ్మడి భాధ్యత. పువ్వు పుట్ట గానే పరిమళిస్తుంది.  ఏకలవ్యుడికి ఎవరు నేర్పారనే  మెట్ట వేదాంతం మాని మన ప్రయత్నం మనం మొదలు పెడదాం.

  థాంక్యూ వెరీ మచ్.  ఆల్ ది బెస్ట్.

అలజంగి  ఉదయ్ కుమార్

trainerudaykumar@gmail.com

HOW TO OVER COME FEAR

భయాన్ని తొలగించుకోవడం లేదా తగ్గించుకోవడం ఎలా?
    భయం అనేది ప్రతి మనిషికి ఉండే అతి సహజమైన భావోద్వేగం.  అయితే నియమిత పరిమాణంలో ఉండే భయం ఒకందుకు మంచిదే.  సామాజిక నియమాలు ఉల్లంఘించకుండా నలుగురి లో చెడ్డ అనిపించుకోకుండా మన జీవిత లక్ష్యాలను సాధించడానికి కొంత మొత్తంలో భయం ఉపకరించ్వచ్చును.  కాని భయం అనేది మన విధులు, చేయాల్సిన పనులు, సాధించాల్సిన లక్ష్యాలను  సాధించనీయకుండా మనకు ఆటంకపరుస్తుంటే తప్పనిసరిగా నివారణ గురించి ఆలోచించాల్సిందే.  భయానికి లోనయ్యేటపుడు మన ఆలోచనల వలన శారీరక స్థితి లో కూడా మార్పులు వస్తాయి.  వాటినే సైకాలజీ లో  సైకో సొమాటికీ డిజార్డర్స్  అంటారు.  క్రింది విషయాలను పాటించినట్లైతే భయం నుండి నివారణ  పొందవచ్చునని ప్రముఖ రచయిత డేవిడ్  ష్వార్జ్ చెబుతాడు

*  ఏ విషయాలైనతే భయాన్ని కలిగిస్తాయో అవే ముందు మొదలుపెట్టాలి.  భయపడే విషయాన్ని పదే పదే చేయడం వలన భయం పోతుందని ఇతని భావన. పోకిరి సినిమాలో మహేష్ బాబు అంటాడు నాకేదైతో భయమో అదే ముందు చేస్తానని.
* ఎటువంటి సమయం లో  నెగటివ్ ఆలోచనలకు చోటియ్యరాదు.  యద్భావం తత్భవతి  అన్నారు కదా. మనం ఏమి కాకూడదనుకుంటామో అదే జరిగే అవకాశం ఉంటుంది  ( what we resist that persist ) కాబట్టి సానుకూలంగా ఆలోచిస్తుండాలి.
* ఎదుటి వాళ్ళ గురించి ఏదో ఊహించుకుంటూ భయపడటం  సమంజసం కాదు.  కొంత మంది పై అధికారులను కలవాల్సి వచ్చినప్పుడు,  లేదా కొత్త వారితో మాట్లాడవలసి వచ్చినపుడు తెగభయపడుతూ ఉంటారు. వారు కూడా మనలాంటి వాళ్ళే. మనలాగే వాళ్ళకి భయాలు, ఆలోచనలు, అనుమానాలు ఉంటాయి.   కమీషనర్ కూతురికి మొగుల్లు రారా అని రవితేజ చెప్పలేదా?
* ఇతరుల సలహాల కన్నా, మీ పూర్వానుభవాలకన్నా మీ అంతరాత్మ ఏం ప్రభోదిస్తుందో అదే చెయ్యండి. మన అంతరాత్మను మించిన మార్గదర్శి మరెవరూ ఉండరని గుర్తించండి.
* నేను చాలా ఆత్మవిశ్వాసం తో ఉన్నాను. ఎటువంటి పరిస్థితుల్లో భయానికి లోను కాను. అంటూ స్వీయసూచనలు ఇచ్చుకోండి. రోజూ మనతో మనం సానుకూలంగా అనుకోవడం వలన మానసిక ఉప చేతనాస్థాయిలో అవి ముద్రించబడి సానుకూల నమ్మకాలు పెరుగుతాయి.
*  ఎక్కడికి వెళ్ళినా ముందువరసలో కూర్చోడానికి ప్రయత్నించండి.  మాట్లాడమని ఎవరైనా కోరితే ముందుమాట్లాడేవారు మీరే అవ్వాలి.
* ఎదుటివారితో మాట్లాడేటప్పుడు వాళ్ళ కళ్ళల్లోకి చూస్తూ మాట్లాడండి. క్రింది చూపులు చూడటం భయానికి , అపరాధ భావనకు చిహ్నం.
* నడీచేటపుడు చేతులు కొంచెం పైకి విసురుతూ  వేగంగా నడవండి.  వేగంగా నడవడం  ఆత్మవిశ్వాసానికి సంకేతం. ఆ రోజుల్లో గాంధీ గారు నడిస్తే  మిగిలిన వారు  ఆయనను అనుసరించడానికి  పరుగెట్టవలసి వచ్చేదట.
*  కొంచెం  పెద్ద స్వరం తో బిగ్గరగా  మాములు కన్నా  కొంచెం వేగంతో మాట్లాడండి.
* ఎప్పుడు  పెదాలపై  నవ్వును చెదరనీయకండి.  నవ్వుతూ ఉండటం కూడా ఆత్మ విశ్వాసానికి సంకేతం.
     పై సూచనలు  బాగున్నాయి  అని సర్టిఫికేట్ ఇవ్వకుండా ఇప్పటినుండే పాటించడం మొదలు పెడదాం.  అజ్నశ్చ శ్రద్ధదానశ్చ సంశయాత్మ వినశ్యతే  అని గీతాకారుడు  ఊరికే చెప్పలేదు.

WISH YOU ALL THE BEST
trainerudaykumar@gmail.com

anger management

కోపాన్ని నియత్రించుకోవడం ఎలా?

కామ, క్రోధ,మద,మత్సర,లోభ, మోహాలనే అరిషడ్వర్గాలలో మొదటి రెండు భగవంతుని నుండి మానవునికి నేరుగా సంక్రమించాయని పెద్దలు చీబుతారు. కోపమనేది అతి సాధారణమైన ప్రతిస్పందన.మనజీవితంలో మన ఆలోచనలకు, భావాలకు, అంచనాలకు, అభిప్రాయాలకు వ్యతిరేకంగా ఎదైనా జరిగినపుడు తక్షణ ప్రతిస్పందనే కోపం. మనకు ఒక రక్షణ తంత్రంగా కోపం ఉప్యోగపడుతుంది.
కోపం మంచిదా చెడ్డదా? అంటే ఒకసారి మంచిదే. అరిస్టాటిల్ మహాశయుడు కీ.శ. 324 లో " కోపం రావడం అతి సహజం కాని సరియైన సమయంలో, సరియైన వ్యక్తిపై, సరియైన మోతాదులో, సరియైన కారణానికి, సరియైన మార్గంలో కోపం రావడం చాలా కష్టం అని అన్నాడు. అది 2335 సంవత్సరాలైనా అలా కోపం అవడం చాలా కష్టమని తెలుస్తుంది. కోపం, అసహనం అర్థం చేసుకోడానికి శతృవులని గాంధీజీ పేర్కొన్నాడు.
దేవుళ్ళు కూడా కోపం చూపించే వారు. జీసస్ కూడా పవిత్ర ప్రదేశాలను వ్యాపార గుడారులుగా మార్చారని కోపమవడమే కాకుండా అక్కడవున్న సరంజామా అంతా విసిరి వేస్తారు. రాక్షస సంహారాలలో ప్రతి హైందవ దేవుడు ఆగ్రహాన్ని చూపించడం తెలిసిందే.
కోపం వలన నష్టాల గురించి కన్నా కోపం అదుపులో ఉంచుకోవడం గురించి మితృలు అడిగారు. క్రింది చిట్కాలు పాటిస్తే కోపం నిగ్రహించుకో వచ్చు.
1. ప్రతిస్పందనను వెంటనే కాకుండా కొంచెం వాయిదా వేయడానికి ప్రయత్నించాలి. 1 నుండి 10 వరకు లెక్కించడం అలాంటివి చేయడం
2. వెంటనే అక్కడ నుండి నిష్క్రమించడం.
3. కోపం బదులు వెంటనే ఆ వ్యక్తిపై ఏదైనా సరదా గా హస్యస్పూరకంగా మాట్లాడం
4. కోపాన్ని ఆ వ్యక్తి పై కాకుండా వేరేగా బయటకు వ్యక్తపరచడం ( జపాన్ లో ప్రతి కార్యాలయంలో పై గదిలో ఏంగర్ రూం అంటూ ఒకటి ఉంటుందట. అక్కడ పెద్ద బ్యాగ్ ఉంటుంది దానిని బాదుతుంటారట. పిల్లలు కూడా కోపం వ్యక్తపరచడానికి తలగడ ని కొడుతుంటారు. అలా అన్నమాట.
5. ఎదుట వ్యక్తి ఏ కారణం గా కోపమవుతున్నాడో దానిని యధాస్థితి గా ఉంచడం.
6. ఎదుట వారి కోణం నుండి అర్థం చేసుకోడానికి ప్రయత్నించడం.
7. జరిగిన విషయాన్ని వీలైనంత త్వరగా మరచిపోవడం, క్షమాగుణాన్ని పెంచుకోవడం
8. ఎదిటివారు ఒకవేళ కోపంగా ఉంటే ఆకస్మాత్తుగా ఏదైనా బహుమతి ప్రకటించడం
9. ధ్యానం, యోగా లాంటివి సాధన చేయడం
10. ఏ విషయం పట్ల అతిగా అటాఛ్మెంట్ లేకుండా చూసుకోవడం.
ఇవి సాధారణంగా ప్రతీ వారు చెప్పే అతి సాధారణమైన విషయాలు కేవలం ఆథ్యాత్మిక ఆలోచనాధోరణి పెంచుకోవడం, పరిణితితో ఎదుటివారి పట్ల ప్రేమభావం పెంచుకోడం ఒక్కటే సరియన పరిష్కారం. ఉధాహరణకి ఇంట్లో టీ.వీ ఎవరో పగలుకొట్టారనుకోండి. వెంటనే కోపం వస్తుంది. పగలుగొట్టింది పనిమనిషి అయితే ఇంకా కోపం వస్తుంది. ఒకవేళ రెండేళ్ళ ముద్దుల మనుమడైతే...... కోపం ఎక్కడికి వెళుతుంది.....
ధర్మాగ్రహలు, సత్యాగ్రహాలు దేశగతులనే మార్చాయని మరవకూడదు.
విష్ యు ఆల్ ది బెస్ట్
అలజంగి ఉదయకుమార్
trainerudaykumar@gmail.com

If you were a bird - Be an early bird

ఎన్ని గంటలకు నిద్ర లేస్తున్నారు?
వేకువఝామునే నిద్రలేవడం మీకు అలవాటేనా? చాలా కష్టం బ్రహ్మతరం కూడా కాదు అంటున్నారా? నిజమే ఉదయం నిద్ర లేవడం చాలా కష్ట్మైనా దాని వలన కలిగే ఉపయోగాలు, నివారించదగ్గ ఇబ్బందులు ఒకసారి ఊహించుకుంటే వేకువఝామునే నిద్రలేవాలనే ఉద్ధేశ్యం మీకు కూడా కలుగుతుందనేది అక్షర సత్యం.
1. ఉదయం వేగంగా నిద్ర లేచేవారికి పనిచేసే సమయం ఎక్కువ ఉంటుంది. వేగంగా లేవడం వలన్ చేతిలో ఎక్కువ సమ్యం ఉంటుంది. ఆ సమయాన్ని ఆ రోజు ప్రణాళిక కొరకు, పూజకొరకు లేదా ధ్యానం చేసేందుకు ఉపయోగించుకో వచ్చు.
2. ఉదయాన్నే లేవడం వలన ఆలస్యమైందని వారి మీద, వీరి మీద, పిల్లల మీద చిరాకు పడనక్కరలేదు.
తెల్లవారే ఇంట్లో విసుక్కోవడం అరుచుకోవడం చేస్తే ఆ ప్రభావం రోజంతా ఉంటుంది.
3. ఉదయం ఫ్లాహారం తీసుకోడానికి సమయం ఉంటుంది. చాలా మంది లేవడం ఆలస్యం అవడం వలన కేవలం టీ గాని, ఖాఫీ గాని త్రాగి ఆఫీసుకి లేదా కాలేజికి బయలుదేరుతారు. మరలా మధ్యాహ్నం వరకు తినడానికి సమయం ఉండదు కాబట్టి ఆకలితో గడపాల్సి ఉంటుంది. దీని వలన జీర్ణాశయం లో హైడ్రోక్లోరికాంలం స్రవిస్తూ ఉంటుంది. దీనివలన్ ఎసిడిటీ , అల్సర్లు రావడమే కాకుండా గ్లూకోజ్ అందక చాలా నీరసంగా ఉంటుంది. దానివలన చిరాకు, పనిలో ఉత్సాహం తగ్గుతుంది.
4. ఉదయాన్నే లేస్తే సూర్యోదయాన్ని, ఉదయం యొక్క ప్రశాంతతను ఆస్వాదించవచ్చు. యోగా, నడక లేదా వ్యాయామం చేయడానికి అవకాశం ఉంటుంది.
5. ఉదయాన్నే లేచి, మెయిల్, బ్లాగ్, అపాయింట్ మెంట్ సరిచూసుకోడానికి కావలసినంత సమయం చిక్కుతుంది. ఆ రోజంతా సక్రమంగా గడవడానికి వీలవుతుంది.
ఇవన్నీ బాగానే ఉంది కాని ఉదయం లేవడం ఎలా అనే సమస్యను పరిష్కరించడం ఎలా. ? ఇది మిలియన్ డాలర్ల ప్రశ్న క్రింది సూచనలు పాటించడానికి ప్రయత్నించండి.
1. అలారం, సెల్ ఫోన్ మొదలగునవి ఉప్యోగించండి. కాని వాటిని మంచానికి అందుబాటులో ఉంచవద్దు. దానిని ఆపి మన పని మనం కొనసాగిస్తాం.
2. ఒక్కసారిగా మీ అలవాటు మార్చడానికి ప్రయత్నించవద్దు. రోజు కొంచెం కొంచెం గా ముందులేవడం అలవాటు చేసుకోండి.
3. రాత్రి త్వరగా నిద్రపోడానికి ప్రయత్నించండి . నిద్ర పోయే ముందు టీ.వీ, కంప్యూటర్ తో గడపొద్దు.
4. నిద్రపోయే ముందు ఒక పది నిమిషాలు ధ్యానం చేస్తూ ప్రశాంతత అనుభవించడానికి ప్రయత్నించండి. ఇది కంప్యూటర్ లో తాత్కాలిక ఫైళ్ళను ఎలా తొలగిస్తామో అలా ఉపయోగపడుతుంది.
5. ఉదయం వేగంగా లేచిన ప్రతీసారి మీకు మీరుగా ఏదైనా బహుమతి ఇచ్చుకోండి. వారానికి ఎన్నిసార్లు వేగంగా లేస్తున్నారో అలవాటు అయినంతవరకు కాలెండర్ పై రాయండి.
వేగంగా లేచిన ప్రతీసారి ఆ రోజు ఎలా గడిచింది పరిశీలించండి మీకే అది ఒక అలవాటు గా మారుతుంది. మన శరీరం ఒక బయోలాజికల్ క్లాక్ అన్న సంగతి మరచిపోవద్దు. మన అలవాట్లకు అనుగుణగా అదే సర్దుబాటు చేసుకుంటుంది.

విష్ యు ఆల్ ది బెస్ట్
అలజంగి ఉదయకుమార్

Code of conduct of shivaji for his personality Development

Dear Friends,
Here is a code of conduct prescribed by Samartha raamadaas, the mentor and guru of shivaaji for his Personality Development. Hope these will be useful for us also. Please read and follow and write your comments.

చత్రపతి శివాజి గురువైన సమర్థ రామదాసు శివాజి యొక్క వ్యక్తిత్వ నిర్మాణం పై ప్రత్యేక దృష్టిని పెట్టి అతని శీల నిర్మాణానికి ఉపయుక్తమైన 15 సూత్రాలు బోధించాడు . ఈ సూత్రాలు ఇప్పటికీ అంతే ప్రాధాన్యత కలిగియుండి మనకు గూడా అనుసరణీయమే కాకుండా మన విజయసాధనకు ఎంతో సహకరిస్తాయనే సదుద్ధేశ్యం తో మీకు తెలియచేస్తున్నాను.
1. చెడు ఆలోచనలు మనస్సులోంచి తొలగించి స్వచ్చమైన మానసిక స్థితి కలిగియుండు.
2. మనోవాక్కర్మలు ( మన్సు, వాక్కు, కర్మ) ఒకేలా త్రికరణ శుద్ధి కలిగియుండు.
3. మనం చేసే పనియే దైవం>. దాహం తో ఉండే వాడు నీరు త్రాగకుండా భజనలతో దాహం తీర్చుకోలేడు. పనిని సక్రమంగా చేయు.
4. సామాజిక భాధ్యత తో నిజాయితీగా నీ పనులు నిర్వర్తించు.
5. నీ గృహస్థు ధర్మాన్ని సక్రమంగా నిర్వర్తించు.
6. నీ ఇరుగుపొరుగు సంక్షేమం పట్ల భాధ్యతతో వ్యవహరించు.
7. చెడు వ్యక్తుల పట్ల జాగ్రత్తగా ఉండి వారి పట్ల కఠినంగా వ్యవహరించు.
8. నీ ప్రవర్తన పట్ల జాగురకత తో వ్యవహరించు.
9. అహంకారం పట్ల దూరంగా ఉండు.
10. నిన్ను అనుసరించే వారికి ఆదర్శంగా ఉండు.
11. ఆత్మాభిమానం కలిగియుండి నీ సంస్కృతి పట్ల గౌరవం కలిగియుండు.
12. చేసే ప్రతీ పనికి ప్రయోజనం ఉండేటట్లు చూడు.
13. భౌతిక ఆరోగ్యం పట్ల శ్రద్ధ వహించి, శారీరకంగా మానసికంగా ధృఢంగా ఉండేందుకు కృషి చేయు .
14. ప్రపంచంలో అంతా శాంతి,సౌఖ్యాలతో ఉండాలని, నీకు ప్రశాంతచిత్తాన్ని ప్రసాదించాలని భవంతుని ప్రార్ధించు.
15. వ్యక్తిగత డాంబికాలకు పోకుండా నీ కుటుంబం మరియు సమాజం అభివృద్ధికి నీ వనరులు ఉపయోగించు.
పై అంశాలను తూ.చా. తప్పకుండా పాటించడం వలనే శివాజి గోప్ప వ్యక్తిగా, రాజు గా శతృవులకు సింహస్వప్నం లా తయారయ్యాడు. వీటిని అనుసరించినట్లైతే మనం అతనిలా తయారౌతామనడంలో ఏ మాత్రం సందేహం లేదు.
ఆల్ ది బెస్ట్ .
అలజంగి ఉదయ్ కుమార్
trainerudaykumar@gmail.com

goal setting

మనో వికాసం - వ్యక్తిత్వ వికాసం
లక్ష్య నిర్దేశన - దశ నియమాలు
1. నీవేమి సాధించాలని కోరుకుంటున్నావో స్పష్టంగా నిర్ణయించుకో. నీ ఆశలేమిటి నీ ఆశయాలేమిటో తెలుసుకో.
2. వాటిని ఏ సమయానికల్లా సాధించాలనుకుంటున్నవు?
3. నీ లక్ష్యం సాధించతగినదిగా నీవు నమ్ముతున్నావా లేదా ?
4. ప్రస్తుతం నీవు ఏ పరిస్థితుల్లో ఉన్నావు?
5. లక్ష్య సాధనలో ఏ ఆటంకాలు ఎదురయ్యే అవకాశం ఉంది?
6. లక్ష్యాన్ని సాధించడానికి నీవు సముపార్జించవలసిన జ్ఞానం, వనరులు ఏమిటి?
7. ఎటువంటి స్నేహితులతో, సహచరులతో నీవు కలసియుండాలి?
8. లక్ష్యాన్ని సాధించడానికి కావలసిని కార్యాచరణ ప్రణాళిక తయారు చేసుకున్నావా? వాటిని ప్రాధాన్యత ప్రకారం భాగాలుగా విభజించావా లేదా?
9. లక్ష్యాన్ని సాధించినట్టుగా భావిస్తూ ఆ దృశ్యాన్ని మనోఫలకం పై ఊహిస్తూ దానిగురించు ఆలోచించు.
10. లక్ష్యాన్ని సాధించినంతవరకు నిరాశకు, నిస్పృహకు చోటివ్వక పట్టుదలతో కొనసాగు.
Wish You All The Best

అలజంగి ఉదయకుమార్
trainerudaykumar@gmail.com